ក្រុមយុវជនជម្រើសជាតិអេស្ប៉ាញអាយុក្រោម ២១ឆ្នាំ បានកក់កៅអីឡើងទៅកាន់វគ្គបន្ទាប់ហើយ ក្រោយពីបំបាក់ក្រុម ព័រទុយហ្គាល់ ៣-១ កាលពីយប់មិញនេះ។

អេស្ប៉ាញ បានបង្កើតនូវឱកាសដ៍ល្អ ក្នុងការឈានទៅកាន់វគ្គបន្ទាប់យ៉ាងសុវត្ថិភាព ក្រោយពីឈ្នះការប្រកួតយប់មិញនេះ។ ជ័យជម្នះ ៣-១ លើក្រុមយុវជមព័រទុយហ្គាល់ ពិតជាសំខាន់ណាស់ ព្រោះ ក្រុមទាំង២ ត្រូវការឈ្នះដូចគ្នា ដើម្បីធានាកៅអីវគ្គបន្ទាប់។ ក៍ប៉ុន្តែអេស្ប៉ាញ បានទទួលជោគជ័យ តាមរយ: លទ្ធផលយ៉ាងប្រសើរបំផុតសម្រាប់ពួកគេ។ ៣គ្រាប់របស់អេស្ប៉ាញ រកបានដោយ កីឡាករ Saul Niguez នៅនាទីទី ២១, Ramirez នៅនាទីទី ៦៥ និង Williams នៅនាទីទី ៩០ ចំណែកក្រុមយុវជន ព័រទុយហ្គាល់រកបានត្រឹម ១គ្រាប់ប៉ុណ្ណោះ ដោយកីឡាករ Bruma នៅនាទីទី ៧៧។

ដូច្នេះហើយ អេស្ប៉ាញ ត្រូវឡើងទៅកាន់វគ្គបន្ទាប់ បើទោះបីសល់ ១ប្រកួតទៀតក្តី ខណះ ព័រទុយហ្គាល់ ត្រូវប្រឹងប្រែងក្នុងការប្រកួតបន្តទៀត ដើម្បីមានឱកាសឡើងទៅវគ្គបន្តដែរ។