ខ្សែបម្រើប្រយុទ្ធ Metzu Ozil នៅមិនទាន់ច្បាស់ពីអនាគត់របស់គេឡើយ បន្ទាប់ពីក្លិបកាំភ្លើងធំ Arsenal មិនទាន់និយាយពីការបន្តកុងត្រាថ្មីដល់កីឡាករវ័យ ២៨ឆ្នាំនេះ។

Ozil កំពុងតែ ចរចារជាមួយនឹងការបន្តកុងត្រាថ្មី នៅ Arsenal ក្រោយពេលដែលកីឡាករអាឡឺម៉ង់រូបនេះ នឹងផុតសុពុលភាពកុងត្រា នៅពេលឆាប់ៗនេះ។ ជាការពិតណាស់ សម្រាប់ក្លិប Arsenal វិញ ក៍មានបំណងចង់រក្សា Play Maker រូបនេះដែរ ព្រោះថា Ozil ជាកីឡាករដ៍សំខាន់មួយរូបសម្រាប់ក្លិប។ បើតាម The Sun បានឲ្យដឹងថា Ozil ក៍មិនមានបំណងចង់ចាកចេញពីក្រុម Arsenal ដែរ រូបគេសប្បាយចិត្តក្នុងការប្រកបអាជីពនៅទីនេះ។ អ្វីដែលជាបញ្ហាប្ឈមសម្រាប់ Metzu Ozil នោះគឺ ភាពមិនច្បាស់លាស់ នៃអនាគត់របស់គេ ស្របពេលដែលក្លិប មិនទាន់និយាយពីការបន្ត ឬ មិនបន្តកុងត្រាថ្មី ដល់ខ្សែបម្រើប្រយុទ្ធរូបនេះឡើយ។

ប្រសិនបើ Arsenal ពិតជាមិនបន្តកុងត្រាដល់ Ozil ទេនោះ កីឡាកររូបនេះអាចនឹងចាកចេញ ព្រោះ មានក្លិបធំៗច្រើនណាស់ ដែលចង់បាន Metzu Ozil ។ ដូច្នេះហើយ ប្រសិនបើ Arsenal មិនចង់បាត់បង់ Ozil ទេនោះ ក្លិបអង់គ្លេសមួយនេះ ត្រូវតែឆាប់ចុះកុងត្រាថ្មី បើមិនដូច្នោះទេ Ozil អាចនឹងចាកចេញក៍ថាបាន។