កំពូលខ្សែប្រយុទ្ធឆ្នើមរបស់ក្រុម Barcelona កីឡាករ Lionel Messi បានចូលរោងការហើយ ក្រោយពីស្រឡាញ់គ្នាជាមួយមិត្តស្រីតាំងពីក្មេងខ្ចីកន្លងមក។

កីឡាករវ័យ ៣០ឆ្នាំ បានចូលរោងការហើយ ជាមួយនឹងនាង Antonella Roccuzzo វ័យ ២៩ឆ្នាំ ក្នងសណ្ឋាគារមួយនៅទីក្រុង Rosario ប្រទេសអាហ្សង់ទីន។ បើតាម Marca បានឲ្យដឹងថា Messi និង Roccuzzo បសនស្គាល់គ្នាតាំងពីអាយុ ៥ឆ្នាំមកម្លេះ ក៍ប៉ុន្តែពួកគេបានបែកគ្នានៅអាយុ ១៣ឆ្នាំ ក្រោយពេលដែល Lionel Messi ត្រូវបានជាប់ឈ្មោះលេងនៅឈុតអាយុក្រោម ១៣ឆ្នាំរបស់ Barcelona។ យ៉ាងណាក៍ដោយ ម្ចាស់ពាន Ballon D’or ៥សម័យកាលរូបនេះ នៅតែរក្សាចំណងមិត្តភាព ជាមួយនឹងនាង Roccuzzo រហូតឈានចូលរោងការ។ នៅក្នុងពិធីអាពាហ៍ពិពាហ៍នេះ ត្រូវបានអ្នកសារពត៌មានអាហ្សង់ទីនជាច្រើន ហៅថា ពិធីអាពាហ៍ពិពាហ៍ប្រចាំឆ្នាំ ឬអាពាហ៍ពិពាហ៍សតវត្សរ៍។

គួរបញ្ជាក់ផងដែរថា មានវត្តមាន តារាឆ្នើមៗជាច្រើន បានចូលរួមក្នុងពិធីនេះ ដូចជា Luis Suarez, Neymar, Gerrard Pique និងមិត្តស្រីរបស់ Pique នាង Sakhira តារាចម្រៀងដ៍ល្បីផងដែរ។ ដូច្នេះហើយ ចាប់ពីពេលនេះតទៅ ខ្សែប្រយុទ្ធឆ្នើម Lionel Messi បានរួចផុតពីភាពកម្លោះទៀតហើយ ដោយចាប់ផ្តើមជីវិតថ្មី ប្តីប្រពន្ធវិញម្តងខណះអ្នកទាំង២ មានកូនប្រុស២នាក់ ជាចំណងដៃរួចទៅហើយ។