ថ្វីបើខ្សែប្រយុទ្ធឆ្នើម Wayne Rooney បានចាកចេញពីក្រុមបីសាចក្រហម Manchester United ទៅកាន់ក្រុម Everton ក៍ដោយ តែកីឡាករអង់គ្លេស រូបនេះ នៅតែ គាំទ្រក្លិបចាស់េរបស់គេ​ដដែល។

ជាក់ស្តែងណាស់ ខ្សែប្រយុទ្ធវ័យរាងជ្រេ Wayne Rooney បានទៅទស្សនាការប្រកួតរបស់ក្រុមបីសាចក្រហម Manchester United ក្នុងជំនួបជាមួយក្រុម CSKA Moscow ក្នុងព្រឹត្តិការណ៍ UEFA Champion League នាពេលថ្មីៗនេះ។ ជាការពិតណាស់ តាមរយៈរូបថត ដែលថតបាននេះ មិនត្រឹមតែទៅទស្សនា ក្នុងនាមជាអ្នកគាំ​ទ្រឡើយ Rooney បានទៅអង្គុយជាមួយអតីតមិត្តរួមក្រុម Michael Carrick នៅកន្លែងអង្គុយរបស់កីឡាករ Man Utd ផងដែរ។ គួរបញ្ជាក់ផងដែរថា Rooney បានចាកចេញពី Man Utd ទៅកាន់ Everton កាលពីរដូវក្តៅកន្លងមក ដោយសារតែ Man Utd មានខ្សែ​ប្រយុទ្ធល្អៗច្រើន ដែលប៉ះពាល់ដល់កៅអី ១១នាក់ដំបូងរបស់គេ។

យ៉ាងណាក៍ដោយ Wayne Rooney តែងតែគាំទ្រ ក្រុមបីសាចក្រហម Manchester United ជានិច្ច បើទោះបីជាមិនសូវបានទៅទស្សនាផ្ទាល់ ក៍កីឡាកររូបនេះ ទស្សនាតាមទូរទស្សន៍ផងដែរ។ ម្យ៉ាងវិញទៀតនោះ Rooney មានក្តីសង្ឃឹមថា នៅពេលដែលរូបគេចូលនិវត្តន៍នោះ ទំនងជា Man Utd កោះហៅរូបគេឲ្យលេងក្នុងក្រុមកីឡាករវ័យចំណាស់ ឬ Legend របស់បីសាចក្រហម ផងដែរ។ អ្វីដែលសំខាន់នោះ Rooney​ នៅតែមានទំនាក់ទំនងល្អជាមួយអតីតមិត្តរួមក្រុមាស់ៗ ទាំងអស់ នៅ Manchester United ដែលនេះ បង្ហាញពីមិត្តភាពយ៉ាងស្អិតរបួតរបស់ពួកគេ។

ដូច្នេះហើយ ខ្សែប្រយុទ្ធ Wayne Rooney នៅតែជាអ្នកគាំទ្រផ្កាប់មុខ របស់ក្រុមបីសាចក្រហម Manchester United បើទោះបីជា កីឡាកររូបនេះ បានផ្លាស់ទៅកាន់ក្លិបដំបូងរបស់គេ Everton ក៍ដោយ។