ក្រោយពីរយៈពេល១០ឆ្នាំ ដែលក្រុមកាំភ្លើងធំ Arsenal បានចាប់ដៃគូជាមួយនឹងក្រុម HAGL ( Hoang Anh Gia Lai FC ) របស់ប្រទេសវៀតណាមរួចមក ក្នុងពេលនេះក្លិបអង់គ្លេសមួយនេះ បានបញ្ចប់កិច្ចសហប្រតិបត្តិការនេះហើយ។

បើតាមប្រភពពត៌មាន ពីប្រទេសវៀតណាម បានឲ្យដឹងថា ក្រុមជើងខ្លាំង Arsenal បានឈានដល់ការបញ្ចប់ភាពជាដៃគូជាមួយនឹងក្រុម HAGL ហើយ។ ជាការពិតណាស់ ក្រុមទាំង២ បានចាប់ដៃគូជាមួយគ្នា កាលពីឆ្នាំ ២០០៧ មកម្លេះ ដែលការចាប់ដៃគូនេះ ក្លិប HAGL មានបំណងចង់ឲ្យ ក្រុមកាំភ្លើងធំ Arsenal សម្លឹងមើលកីឡាករដែលល្អ និងមានទេពកោសល្យនៅក្នុងក្លិបវៀតណាមមួយនេះ យកទៅលេងនៅក្រុម Arsenal គ្រប់ឈុត។ ក៍ប៉ុន្តែ រយៈពេល ១០ឆ្នាំកន្លងមកនេះ Arsenal នៅតែមិនទាន់រកបានកីឡាករវៀតណាមណាម្នាក់របស់ក្លិប HAGL នេះឡើយ។ ដោយហេតុនេះហើយ ក្រុម Arsenal បានសម្រេចចិត្ត បញ្ឈប់ការចាប់ដៃគូនេះ ព្រោះថា វាជាការចំណាយពេលអត់ប្រយោជន៍សម្រាប់ក្លិបអង់គ្លេសមួយនេះ។

ម្យ៉ាងវិញទៀត Arsenal ហាក់ដូចជាមិនសូវចាប់អារម្មណ៍កីឡាករពីតំបន់អាស៊ីអាគ្នេយ៍មួយនេះផង បូករួមនឹងកម្រិតបច្ចេកទេស មានកម្រិតខុសគ្នាផងនោះ ជាហេតុធ្វើឲ្យ Arsenal មិនអាចបន្តការចាប់ដៃគូ ជាមួយក្លុប HAGL បានឡើយ។ ដូច្នេះហើយ ក្រុម HAGL របស់វៀតណាមមួយនេះ បានខកឱកាសក្ុងការនាំយកកីឡាកររបស់ពួកគេ ទៅប្រឡូកក្នុងលីគកំពូលរបស់អង់គ្លេសមួយនេះហើយ។