ខ្សែប្រយុទ្ធវ័យ ២៩ឆ្នាំ Javier Hernandez ត្រូវបានគេរំពឹងថា នឹងវិលត្រឡប់មកកាន់ក្របខ័ណ្ឌ Premire League វិញក្នុងពេលឆាប់ៗនេះ ក្រោយពីចាកចេញកាលពីឆ្នាំ ២០១៤ កន្លងមក។

នៅក្នុងការចុះផ្សាយរបស់សារពត៌មានជាច្រើននៅអាឡឺម៉ង់ បានឲ្យដឹងថា ខ្សែប្រយុទ្ធម៉ិកស៊ិកូ Javier Hernandez កំពុងតែត្រៀមខ្លួនត្រឡប់មកកាន់ក្របខ័ណ្ឌកំពូលរបស់អង់គ្លេសវិញ។ ជាការពិតណាស់ ក្រុម West Ham United បានចាប់អារម្មណ៍នៅក្នុងការផ្ទេរយកខ្សែប្រយុទ្ធឆ្នើម រូបនេះក្នុងពេលឆាប់ៗនេះ។ Javier Hernandez ធ្លាប់លេងឲ្យក្រុមបីសាចក្រហម Manchester United កាលពីជំនាន់លោក Sir Alex Ferguson ក៍ប៉ុន្តែកីឡាកររូបនេះ ត្រូវបានខ្ចីជើង ទៅកាន់ក្រុម Real Madrid កាលពីឆ្នាំ ២០១៤កន្លងមក ក្នុងរជ្ជកាលរបស់លោក David Moyes ។ ក៍ប៉ុន្តែកីឡាកររូបនេះ បានផ្លាស់ទីកាន់ក្លិប Bayern Leverkusen ក្នុងឆ្នាំ ២០១៥ ក្នុងតម្លៃខ្លួនប្រមាណ ៩,៦លានផោន។ យ៉ាងណាវិញ ក្រុម West Ham United បានត្រៀមទឹកប្រាក់ប្រមាណ ១៣លានផោន ក្នុងការនាំយកខ្សែប្រយុទ្ធ Javier Hernandez ត្រឡប់មកវិញ។

ម្យ៉ាងវិញទៀត បើតាមការចុះផ្សាយរបស់សារពត៌មានអាឡឺម៉ង់ ក្រុមទាំង២ នឹងចាប់ផ្តើមដោះដូរកីឡាករ ក្នុងពេលឆាប់ៗនេះ ខណះទីផ្សារជិតឈានចូលមកដល់។ Javier Hernandez ត្រូវបានគេរំពឹងថា នឹងមានវត្តមាននៅក្របខ័ណ្ឌកំពូលអង់គ្លេស Premire League នៅរដូវកាលក្រោយនេះ។