ការចាកចេញរបស់ខ្សែការពារកណ្តាល Pepe បានធ្វើឲ្យអ្នកគាំទ្រ Real Madrid ជាច្រើន ខកចិត្តយ៉ាងខ្លាំង ខណះពេលនេះ ក្រុមយក្សអេស្ប៉ាញមួយនេះបានបន្ត បាត់បង់ខ្សែការពារស្លាប់ឆ្វេង មួយរូបទៀត គឺកីឡាករ Fabio Coentrao ។

Fabio Coentrao នៅប៉ុន្មានឆ្នាំចុងក្រោយនេះ ហាក់មិនទទួលបានជោគជ័យ ក្នុងការលេងឲ្យក្រុម Real Madrid ឡើយ ព្រោះថា ខ្សែកសរពារស្លាបឆ្វេងរូបនេះពិបាលក្នុងការប្រជែងតំណែង ១១នាក់ដំបូងជាមួយនឹងខ្សែការពារដ៍ឆ្នើម Marcelo ខ្លាំងណាស់។ ជាការពិតណាស់ បើតាមសារពត៌មាននៅប្រទេសព័រទុយហ្គាល់ បានឲ្យដឹងថា ក្រុម Sporting Lisbon បានខ្ចីជើង កីឡាករ Fabio Coentrao ពីក្រុម Real Madrid រយៈពេល១ឆ្នាំ។ Centrao ត្រូវបានខ្ចីជើងទៅកាន់ Monaco ម្តងរួចមកហើយ កាលពីរដូវកាល ២០១៥-២០១៦ ស្របពេលដែល រដូវកាលថ្មីនេះ ខ្សែការពាររូបនេះ ត្រូវបានបន្តខ្ចីជើងទៅកាន់ក្លិបដើម Sporting Lisbon ទៀត។ Fabio Coentrao ត្រូវបានផ្លាស់មកកាន់ Real Madrid កាលពីឆ្នាំ ២០១១ ក្នុងតម្លៃ ៣០លានអឺរ៉ូ ពីក្រុម Benfica ។

ការមកកាន់ Real Madrid នេះដែរ ឃើញថា នៅ ២-៣ រដូវកាលដំបូង ខ្សែការពារវ័យ ២៩ឆ្នាំរូបនេះ ធ្វើបានយ៉ាងល្អ ក៍ប៉ុន្តែ ក្រោយពីហ្នឹងមក Fabio Coentrao ហាក់មិនសូវទទួលបានជម្រើស ១១នាក់ដំបូងឡើយ។ យ៉ាងណាក៍ដោយ នេះគឺជាការចាកចេញក្នុងល័ក្ខខ័ណ្ឌជាលើកទី២ ហើយសម្រាប់ Coentrao ព្រោះថា បើនៅ Real Madrid ហាក់មិនសូវបានលេងដដែល បើចាកចេញទៅកាន់ក្លិបថ្មី ប្រហែលជាមានឱកាសក្នុងការបង្ហាញខ្លួនបន្តទៀត។ ដូច្នេះហើយ នៅរដូវកាល ២០១៧-២០១៨ នេះអ្នកគាំទ្រ Real Madrid ទាំងអស់ នឹងមិនបានឃើញវត្តមានរបស់ខ្សែការពារដ៍ឆ្នើម Fabio Coentrao ១ឆ្នាំទៀតហើយ។