ដែលជាគ្រូបង្វឹកក្លិប Real Madrid លោក Zinedine Zidane គ្រោងនិងឲ្យកូនប្រុសរបស់ខ្លួនដែលជាអ្នកចាំទីក្នុងក្រុមយុវជនឡើងមកលេងក្នុងឈុតធំតែម្តង។

អ្នកចាំទីវ័យ ១៩ ឆ្នាំ Luca Zidane ដែលជាកូនប្រុសទី២ របស់លោក Zidane អាចនិងក្លាយជាអ្នកចាំទីដៃទី ៣ ឲ្យក្រុមស្តាច់ស Real Madrid នៅពានរង្វាន់លីគ La Liga នារដូវកាលថ្មី នេះបើតាមសារពត៏មាន Marca បានរាយការណ៏មកថា ដោយសារតែអ្នកចាំទីបម្រុងបណ្តោះអាសន្ននាពេលបច្ចុប្បន្ននេះគឺកីឡាករ Ruben Yanez អាចនិងចាកចេញពីក្លឹប Real Madrid នៅរដូវក្តៅនេះដែលជាហេតុតម្រូវឲ្យមានអ្នកចាំទីថ្មីមួយទៀតមកជំនួស។ ហើយសម្រាប់អ្នកដែលមកជំនួស មានតែ Luca ជាជម្រើសល្អបំផុត ថ្វីបើអាយុនៅក្មេង តែបទពិសោធន៍គឺមានច្រើន ដូចជា៖ ធ្លាប់ចូលរួមជាមួយក្រុមជម្រើសជាតិបារាំងតាំងពីរ U16 រហូតមកដល់បច្ចុប្បន្នកំពុងលេង U19 ថែមទៀត។

សូមរំលឹកថា លោក Zidane ក៏ធ្លាប់ផ្តល់ឲ្យកូនប្រុសច្បងគេមកលេងឈុតធំក្នុងក្រុម Real Madrid ដែរគឺកីឡាករ Enzo នៅរដូវកាលមុន ឥលូវត្រូវបានលក់ទៅក្លិប Deportivo Alaves ហើយ៕