ខ្សែបម្រើសញ្ជាតិប្រេសីុលរបស់ក្លិប Bayern Munich កីឡាករ Douglas Costa បានមកដល់ទីក្រុង Turin កាលពីម្សិលមិញត្រៀមលក្ខណៈពិនិត្យសុខភាព គ្រោងនិងធ្វើការពិនិត្យសុខភាពនៅថ្ងៃពុធនេះ ដើម្បីចូលរួមជាមួយក្លិប Juventus។
កីឡាករសញ្ជាតិប្រេសីុលរូបនេះ បាននិយាយទៅកាន់ប្រធានក្លិប Juventus គឺលោក Giuseppe Marotta នៅប្រទេសអាល្លឺម៉ង់ថាគាត់និងចូលរួមជាមួយក្រុមជើងឯកអុីតាលី ក្រោមលក្ខខ័ណ្ឌខ្ចីជើងដែលមានតម្លៃ ៦លានអឺរ៉ូលើការខ្ចីជើង ហើយប្រសិនជា Costa បង្ហាញទម្រង់លេងល្អសេះបង្កង់នឹងទិញផ្ដាច់ក្នុងតម្លៃ៤០លានអឺរ៉ួតែម្ដង និងចុះកុងត្រា ៥ឆ្នាំ ថែមទៀតផង។
កីឡាករវ័យ ២៦ឆ្នាំនេះ អាចប្រកាសចូលរួមជាមួយក្រុម Juventus ក្នុងពេលឆាប់ៗនេះ បើសិនជាការពិនិត្យសុខភាពបានជោកជ័យ បន្ថែមថាកាលពីរដូវកាលមុន តែក្នុងការបង្ហាញខ្លួនជាមួយ Bayern Munich ២៣ប្រកួត អាចរកបាន ៤គ្រាប់ និងបញ្ជូនគ្រាប់បាល់ឲ្យមត្តរួមក្រុមទាត់បញ្ចូលទីបាន ៦គ្រាប់៕
មតិយោបល់