Barcelona ពិតជាមានក្រសែភ្នែកយ៉ាងល្អ ក្នុងការសម្លឹងឃើញខ្សែបម្រើវ័យក្មេងរបស់ក្រុម Tottenham Hotspur ជំនួសវិញ។

បើទោះបីជា បរាជ័យ ក្នុងការទិញយក Ander Herrera និង Marco Verratti តែក្រុម Barcelona កំពុងតែតាមប្រមាញ់យក ខ្សែបម្រើវ័យក្មេង Dele Alli ពីក្រុមរងជើងឯក Spurs វិញម្តង។ បើតាម Daily Mail បានឲ្យដឹងថា Barcelonaកំពុងតែរៀបចំ កញ្ចប់ថវិការយ៉ាងច្រើនលើសលប់ ដើម្បីចរចារជាមួយ Tottenham ក្នុងការទិញយក Dele Alli ។ យ៉ាងណាវិញ នៅមិនទាន់មានការបង្ហើបឲ្យដឹង ពីតម្លៃខ្លួនរបស់ Alli នៅឡើយទេ ខណះ​ តាមការប៉ាន់ស្មានរបស់ Daily Mail អាចឈានដល់ខ្ទង់ ១០០លានអឺរ៉ូ ឬអាចលើសនេះ។ ម្យ៉ាងវិញទៀត Alli កំពុងតែបង្ហាញនូវទម្រង់លេងយ៉ាងល្អ ដែលទទួលបានការចាប់អារម្មណ៍យ៉ាងខ្លាំង​ ពីសំណាក់ក្លិបធំៗ ជាច្រើន រួមមានទាំង Real Madrid ផងដែរ។

ដូច្នេះហើយ Barcelona នឹងត្រូវធ្វើគ្រប់បែបយ៉ាង ដើម្បីនាំយកខ្សែបម្រើ ដ៍ឆ្នើម Dele Alli ពីក្រុម Tottenham ឲ្យបានឆាប់បំផុត ខណះ ក្រុមផ្សេងៗទៀត កំពុងសម្លឹងឃើញដូចគ្នា ជាពិសេសនោះ គឺ Real Madrid ។ អ្វីដែលសំខាន់នោះ Dele Alli អាចនឹងក្លាយជាកីឡាករអង់គ្លេសទី១ ដែលផ្លាស់ទៅកាន់ Barcelona ក្នុងតម្លៃថ្លៃមហាសាល ផងដែរ។