អតីតខ្សែបម្រើដ៍ឆ្នើម របស់ក្រុម AC Milan និង Real Madrid កីឡាករ Kaka បានប្រាប់សារពត៌មាននៅអាមេរិកថា ក្រុម MSL All Stars កំពុងតែទន្ទឹងរង់ចាំជួប​ក្រុមយក្ស Real Madrid នាពេលឆាប់ៗនេះ។

Kaka ពិតជាចង់ជួបក្រុម ជើងឯក Champion League របស់លីគអេស្ប៉ាញ Real Madrid ខ្លាំងណាស់ ព្រោះថា រូបគេ ចង់ជួបជាមួយនឹងមិត្តភក្តិចាស់ៗ ក្នុងការប្រកួត។ MSL All Stars ដែលរួមមាន Kaka ជាសមាជិមួយរូបនោះ នឹងត្រូវជួបក្រុម Real Madrid នៅថ្ងៃទី ២ សីហាខាងមុខនេះ នាការប្រកួតចុងក្រោយ International Champion Cup ។ ក្រៅពី Real Madrid ក្រុម MSL All Stars នឹងត្រូវជួបក្រុម Manchester United, Manchester City និងក្រុម Barcelona ផងដែរ។ យ៉ាងណាវិញ ចំពោះ Kaka គេមានបំណងចង់ជួបក្រុម Real Madrid ខ្លាំងជាងគេ ព្រោះថា Real ជាក្រុមខ្លាំង និងជាក្រុមល្អបំផុតនាពេលបច្ចុប្បន្ននេះ។

ដូច្នេះហើយ ការលេងជាមួយ Real Madrid គឺជាការដកស្រង់បទពិសោធន៍មួយយ៉ាងប្រសើរ សម្រាប់កីឡាករទាំងអស់ នៅ MSL All Stars ដើម្បីយកទៅប្រកបអាជីព របស់ពួកគេ នៅតាមក្លិបដែលពួកគេលេងរៀងៗខ្លួន។ គួរបញ្ជាក់ផងដែរថា ក្រៅពីវត្តមានរបស់ Kaka នៅមានកីឡាករល្បីៗជាច្រើនដូចជា Tim Howard និង Devid Villa ក៍មានវត្តមាន ក្នុងការប្រកួតនេះដែរ។