ខ្សែការពារស្លាបស្តាំ Danilo របស់ក្រុមស្តេចស Real Madrid បានចុះកុងត្រារួចរាល់ហើយ ជាមួយក្រុម Manchester City ក្នុងតម្លៃផ្ទេរ ២៦,៥លានផោន។

នេះគឺជាខ្សែការពារទី៣ ហើយរបស់ក្រុម Real Madrid ដែលបានចាកចេញ ពីក្រុម ក្នុងវិស្សមកាល នេះ បន្ទាប់ពី Pepe ទៅកាន់ Fenabatche របស់តួគី Coentrao ទៅ Lisbon និិងចុងក្រោយនេះ Danili មកកាន់ក្រុម Man City ទៀត។ តាមរយៈ Sky Sports បានឲ្យដឹងថា Danilo យល់ព្រមចុះកុងត្រារយៈពេល ៥ឆ្នាំជាមួយក្រុម Man City ក្នុងតម្លៃផ្ទេរ ២៦,៥លានផោន ពីក្រុម Real Madrid ។

ក្នុងនោះដែរ Danilo នឹងទទួលបាន ទឹកប្រាក់ប្រចាំសប្តាហ៍ចំនួន ១៥ម៉ឺនផោន ក្នុង ១សប្តាហ៍ផងដែរ ដែលជាចំនួនមួយច្រើនគួរសម សម្រាប់ខ្សែការពាររូបនេះ។ Danilo នឹងត្រូវកាន់ តួនាទី ខ្សែការពារស្លាបស្តាំ នៅក្រុម Manchester City ខណះតំណែងនេះ កាលនៅ Real Madrid គឺពិបាកប្រជែងជាមួយនឹង Carvajal ខ្លាំងណាស់។

ដូច្នេះហើយ Danilo នឹងមានអនាគត់ ប្រសើរជាងមុន ក្នុងការមកកាន់ក្រុមថ្មីនេះ ដែលគេជឿជាក់ថា ខ្សែការពាររូននេះ នឹងមានតំណែងក្នុងជម្រើស ១១នាក់ដំបូង សម្រាប់ក្រុម Manchester City ។