ព័ត៌មានកីឡា

គ្រូបង្វឹកក្រុម U-22 វៀតណាម បានប្រកាសលាលែងពីតំណែងបន្ទាប់ពីធ្លាក់ត្រឹមវគ្គចែកពូល

លោក Nguyen Huu Thang គ្រូបង្វឹករបស់ក្រុម U-22 វៀតណាមបានប្រកាសលាលែងពីតំណែង ដោយសារតែចាញ់ក្រោមស្នាដៃរបស់ក្រុមជម្រើសជាតិថៃ ក្នុងលទ្ធផល ៣-០ និងត្រូវធ្លាក់ត្រឹមវគ្គចែកពូលនេះ ក្នុងព្រឹត្តិការណ៍កីឡាបាល់ទាត់បុរស SEA Games 2017។

អតីតប្រធានក្រុមជម្រើសជាតិវៀតណាមបានប្រកាសការសម្រេចចិត្តរបស់លោកនៅក្នុងសន្និសីទក្រោយពីលទ្ធផលដែលបានធ្វើឱ្យក្រុមរបស់លោកបានធ្លាក់ចេញពីការប្រកួតជម្រុះតាមពូលនៃព្រឹត្តិការណ៍ស៊ីហ្គេមនាឆ្នាំនេះ។

គ្រូបង្វឹករូបនេះបាននិយាយថា៖ “ខ្ញុំសុំទោសដោយស្មោះទៅអ្នកគាំទ្រដែលមានការរំពឹងទុកជាច្រើនពីយើង។ “ខ្ញុំជាគ្រូបង្វឹករបស់ក្រុមប៉ុន្តែខ្ញុំបរាជ័យក្នុងការបំពេញតាមការរំពឹងទុកដូច្នេះខ្ញុំនឹងលាលែងពីតំណែង” ។

“នេះមិនមែនជាការសម្រេចចិត្តភ្លាមៗពីខ្ញុំនោះទេ។ យើងមិនបានសម្រេចអ្វីដែលខ្ញុំគិតថាយើងមានសមត្ថភាពនោះទេហើយវាមិនអាចទទួលយកបានទេ។ ខ្ញុំត្រូវតែទទួលខុសត្រូវទាំងស្រុងចំពោះរឿងនេះ។ ខ្ញុំគិតថានេះជាការសម្រេចចិត្តត្រឹមត្រូវសម្រាប់យើង។ ខ្ញុំសង្ឃឹមថានឹងមាននរណាម្នាក់ជំនួសខ្ញុំដែលអាចជួយកីឡាបាល់ទាត់វៀតណាមក្នុងការអភិវឌ្ឍបន្ថែមទៀត “។

សូមបញ្ជាក់ថា នៅក្នុងពូល B មាន ៦ក្រុម(ប្រទេស) ខណ:ដែលក្រុមដែលត្រូវឡើងមាន U-22 ថៃ និង U-22 ឥណ្ឌូនេស៊ី ចំណែកក្រុម ៤ ផ្សេងទៀតរួមមាន U-22 កម្ពុជា, U-22 វៀតណាម, U-22 ទីម័រខាងកើត និង U-22 ហ្វីលីពីន ត្រូវហាវអាវត្រឺមវគ្គចែកពូលនេះ៕

មតិយោបល់