ក្រុមបាល់ទាត់កំពូលរបស់អង់គ្លេស Tottenham Hotspur កំពុងញ៉ាប់ដៃញ៉ាប់ជើងយ៉ាងខ្លាំង ក្នុងការជួសជុលកីឡារដ្ឋាន White Heart Lane ឲ្យរួចរាល់នៅក្នុងរដូវកាលនេះ។

ការជួសជុលកីឡារដ្ឋាន White Hearty Lane នេះដែរត្រូវបានឲ្យដឹងថា ក្រុម Tottenham បានចំណាយទឹកប្រាក់ដល់ទៅ ៨៥០លានផោន ដើម្បីចំណាយលើកីឡារដ្ឋានថ្មីនេះ។ White Heart Lane ត្រូវបានចាប់ផ្តើមជួសជុល នាក្រោយបញ្ចប់រដូវកាល ២០១៦-២០១៧ កន្លងមក ដើម្បីឲ្យមានភាពល្អប្រសើរជាងមុន។ Mirror បានឲ្យដឹងថា White Heart Lane ថ្មីនេះ មានលក្ខណះល្អប្រសើរច្រើនជាងមុន ថ្វីបើមិនទាន់ជួសជុលរួចជាស្ថាពរក៍ដោយ តែកីឡារដ្ឋានថ្មីនេះ អាចផ្ទុកអ្នកទស្សនា បានច្រើនជាងមុន ពោលគឺច្រើនជាង Emirate Stadium របស់ក្រុមកាំភ្លើងធំ Arsenal ចំនួន ៨០០កៅអី។ ជាក់ស្តែងណាស់ កាលពីមិនទាន់ជួសជុល White Heart Land អាចផ្ទុកអ្នកទស្សនាបានត្រឹមខ្ទង់ ៥ម៉ឺននាក់ប៉ុណ្ណោះ ក៍ប៉ុន្តែ White Heart Lane ថ្មីនេះ នឹងអាចផ្ទុកអ្នកទស្សនាបានដល់ទៅ ៦១៥៥៩នាក់។

ម្យ៉ាងវិញទៀត ក្រុម Tottenham នឹងត្រូវបញ្ចប់ការជួសជុល កីឡារដ្ឋានថ្មីនេះ ឲ្យចប់ជាស្ថាពរមុនរដូវកាលនេះ ព្រោះថា ក្រុម Spurs នឹងប្រើប្រាស់ White Heart Lane ថ្មីនេះជាកីឡារដ្ឋាន ក្នុងទឹលដីរបស់គេ​ ស្របពេលដែល Wembley សព្វថ្ងៃនេះ ជាកីឡារដ្ឋានដែល Tottenham ជួយមួយរដូវកាលប៉ុណ្ណោះ។