ក្នុងជំនួបសប្ដាហ៍ទី ១៥ នៃពានរង្វាន់លីគកំពូលកម្ពុជារដូវកាល ២០១៧ បានវិលមកវិញបន្ទាប់ពីសម្រាកមួយរយ:ដោយ ក្លិបបាល់ទាត់ខេមបូឌានថាយហ្គឺរ និងទទួលស្វាគមន៍ ក្លិបបាល់ទាត់អាសុីអុឺរ៉ុបយូណាយធីត នាវេលាម៉ោង ១៥:៣០ នាទីរសៀល ថ្ងៃសៅរ៍ ទី០៩ ខែកញ្ញា ឆ្នាំ២០១៧ នៅលើវាលស្មៅនៃកីឡដ្ឋានខេត្តសៀមរាប(ស្វាយធំ)។

គិតត្រឹមសប្តាហ៍ទី ១៥ នេះ ថាយហ្គឺរ កំពុងតែឈរនៅចំណាត់ថ្នាក់លេខ ៦ ដោយ ១៤ ប្រកួតកន្លង ឈ្នះ ៥ ដង ស្មើរ ៧ ដង និងចាញ់ ២ ដង ដោយមាន ២២ ពិន្ទុក្នុងដៃ ខណៈដែល អាសុីអុឺរ៉ុប កំពុងឈរចំណាត់ថ្នាក់លេខ ៩ ដោយបានធ្វើការប្រកួតបាន ១៤ ដង ក្នុងនោះឈ្នះ ៤ ដង ស្មើ ២ ដង និងចាញ់ ៨ ដង ដោយកំពុងមាន ១៤ ពិន្ទុក្នុងដៃ។

សូមរំលឹកផងដែរថា បន្ទាប់ពីគ្រូបង្វឹកថ្មីលោក Oriol Mohedano មកដឹកនាំក្លិបខេមបូឌានថាយហ្គឺរ ៧ប្រកួតមកនេះ គឺមិនទាន់ស្គាល់បរាជ័យនៅឡើយទេ។ បន្ថែមពីនេះ កាលពីជើងទី១ អាសុីអុឺរ៉ុបយូណាយធីត ធ្លាប់បរាជ័យក្រោមថ្វីជើង ខេមបូឌានថាយហ្គឺរ ០ទល់១ ម្តងមកហើយ។