ក្រុមបីសាចក្រហម Manchester United បានខកចិត្តយ៉ាងខ្លាំង បន្ទាប់ពីភ្លាត់លេងបានត្រឹមស្មើជាមួុយក្រុមម្ចាស់ផ្ទះ Stoke City ក្នុងលទ្ធផល ២-២​ កាលពីយប់មិញនេះ។

នេះគឺជាការប្រកួតមួយ ដែលក្រុមបីសាចក្រហម Manchester United មានការខកចិត្តយ៉ាងខ្លាំង ព្រោះថា​​ពួកគេ បានរបូតពិន្ទុខ្លះពីការប្រកួតនេះ។ ជាក់ស្តែងណាស់ ក្រុមម្ចាស់ផ្ទះ Stoke City បានរកគ្រាប់បាល់នាំមុខមុន ដោយការស៊ុតរបស់កឡាករ Erix Maxim Choumpo-Moting នៅនាទីទី ៤៣​តែត្រូវបានតាមស្មើមកវិញ​​ ដោយខ្សែប្រយុទ្ធវ័យក្មេង Marco rashford នៅនាទីទី ៤៥វិញ។ បន្ថែមលើនេះ Man Utd រកបានគ្រាប់បាល់នាំមុខវិញដោយខ្សែប្រយុទ្ធចំណូលថ្មី Romelo Lukaku នៅនាទីទី ៥៧​ ដែលជាក្តីសង្ឃឹមក្នុងការដណ្តើមបាន ៣ពិន្ទុ ។

ក៍ប៉ុន្តែតែក្រុមបីសាចក្រហម មានការខកចិត្តយ៉ាងខ្លាំងវិញ​ បន្ទាប់ពីកីឡាករ Eric Maxim Choumpo-Moting រកបានគ្រាប់ទី២ឲ្យ Stoke City តាមស្មើ​ នៅនាទីទី ៦៣។ ក្រុមទាំង២​ បានបន្តការវាយលុកគ្នាយ៉ាងខ្លាំង តែមិនអាចធ្វើអ្វីគ្នាឡើយ ជាហេតុចប់ការប្រកួត Stoke City ២-២​ Man Utd ចែកគ្នាបានម្នាក់ ១ពិន្ទុ។

https://www.youtube.com/watch?v=ZNsohVJQAdo