ក្រុមកាំភ្លើងធំ Arsenal នៅតែបន្តមហិច្ចតារបស់ពួកគេ ក្នុងការតាមប្រមាញ់ខ្សែបម្រើរបស់ក្រុម AS Monaco គឺកីឡាករ Thomas Lemar ។

ជាក់ស្តែងណាស់ បើតាមការចុះផ្សាយរបស់ក្រុម Sky Sports បានឲ្យដឹងថា​​ ក្រុមកាំភ្លើងធំ Arsenal បានយល់ព្រមទិញយក Thomas Lemar ក្នុងតម្លៃ ៩២លានផោន ពីក្រុម​ Monaco ។ ការតាមប្រមាញ់​ Lemar នេះដែរ មិនមែនជាលើកទី១ ឡើយសម្រាប់ក្រុម Arsenal ឡើយ ព្រោះថានាពេលកន្លងមក ក្រុមអង់គ្លេសមួយនេះ បានបរាជ័យ ក្នុងការនាំយកកីឡាករដ៍ល្អរូបនេះ នារដូវក្តៅកន្លងមក។

ក៍ប៉ុន្តែ សម្រាប់លើកនេះ ប្រហែលមិនដូចមុនឡើយ ព្រោះថា ទាំងក្រុម Monaco​ និង Arsenal បានយល់ព្រមលើតម្លៃផ្ទេរ ៩២លានផោន របស់កីឡាករ Thomas Lemar ហើយ​ ប្រហែលជាខែមករាខាងមុខនេះ ឬក៍យ៉ាងយូររដូវក្តៅក្រោយ ក្រុមកាំភ្លើងធំ Arsenal អាចនាំយកខ្សែបម្រើរូបនេះជាក់ជាមិនខាន។ យ៉ាងណាក៍ដោយ ការផ្ទេរផ្លូវការណ៍ណាមួយមិនទាន់កើតមានឡើយ ដោយសាររដូវកាលដោះដូរកីឡាករ ត្រូវបានបញ្ចប់ ។

ជាងនេះទៅទៀត នេះគ្រាន់តែជាការយល់ព្រមប៉ុណ្ណោះ ដូច្នេះហើយ រង់ចាំមើលថា តើក្រុមកាំភ្លើងធំ Arsenal អាចនាំយក Thomas Lemar ពីក្រុម AS Monaco ក្នុងតម្លៃ ៩២លានផោន ឬយ៉ាងណា?