Post News Media ព័ត៌មានកីឡា Rashford ជាកី...

Rashford ជាកីឡាករដែល Real ទិញ ប្រសិនបើបរាជ័យនាំយក Harry Kane

ក្រុមស្តេចស Real Madrid បានដាក់គោលដៅថ្មី​មួយ​ទៀតក្នុងការទិញយកខ្សែប្រយុទ្ធវ័យក្មេង អង់គ្លេស​ របស់ក្រុម បីសាចក្រហម Manchester United គឺកីឡាករ Marcus Rashford ប្រសិនបើក្លិបយក្ស​អេស្ប៉ាញមួយនេះ បរាជ័យ ក្នុងការតាមប្រមាញ់កីឡាករ Harry Kane ។

ជាការពិតណាស់ Real Madrid បានព្យាយាមយ៉ាងខ្លាំង​ក្លា ក្នុងការតាមទិញ​ ខ្សែប្រយុទ្ធដ៍មុតស្រួច Harry Kane ពីក្រុម Tottenham​ តែនៅមិនទាន់ទទួលបានចម្លើយវិជ្ជ​មានណាមួយនៅឡើយទេ។ យ៉ាងណាវិញ បើតាមការចុះ​ផ្សាយរបស់ The Sun បានឲ្យដឹងថា ក្រុម Real Madrid បានសម្លឹងឃើញ ខ្សែប្រយុទ្ធវ័យក្មេងមួយរូបទៀត ដែលអាច​យកមកជំនួស Harry Kane បានប្រសិនបើមិន​អាចទិញ Kane បានទេនោះ។​​ កីឡាករនោះគឺ​ ខ្សែប្រយុទ្ធវ័យ​ ១៩ឆ្នាំ Marcus Rashford ដែលកំពុងតែលេងឲ្យក្រុម បីសាចក្រហម Manchester United ។

Rashford​ គឺជាកីឡាករសំណព្វចិត្តមួយរូបរបស់លោក Jose Mourinho ខណ: Rashford លេងឡើងជើងយ៉ាងខ្លាំងកាលពីរដូវមុន រហូតមកដល់រដូវ​កាលថ្មីនេះ។ ក៍ប៉ុន្តែ Real Madrid បានសម្រេចចិត្ត​ តាមប្រមាញ់ កីឡាករវ័យក្មេងអង់គ្លេសរូបនេះ ប្រសិនបើ​មិនអាចទិញបាន Harry Kane ទេនោះ។ យ៉ាងណាវិញ Man Utd ប្រហែលជាមិនលក់ Rashford ឡើយ ព្រោះថា កីឡាករវ័យក្មេងរូបនេះ ជាទីចាប់អារម្មណ៍របស់អ្នក​គាំទ្រ បីសាចក្រហម ព្រមទាំងលោក Jose Mourinho ផងដែរ។

ដូច្នេះហើយ រង់ចាំមើលថា ប្រសិនបើ Real Madrid បរាជ័យក្នុងការនាំយក Harry Kane ពីក្រុម Tottenham ក្នុងតម្លៃ ២០០លានអឺរ៉ូ តើ Real Madrid នឹងចរចារទិញ ខ្សែប្រយុទ្ធ Marcus Rashford ក្នុងតម្លៃប៉ុន្មាន?