ក្រុមបីសាចក្រហម Manchester United បានស្គាល់នូវរសជាតិការចាញ់លើកដំបូងហើយ ក្នុងរដូវកាលនេះ ដោយថ្វីជើងក្រុមចំណូលថ្មី Huddersfield Town ក្នុងលទ្ធផល ២-១។

បើទោះបីជាការវាយលុក ដូចទឹកបាក់ទំនប់ ពីសំណាក់ក្រុមបីសាចក្រហម Manchester United លើក្រុមម្ចាស់ផ្ទះ Huddersfield Town មែន តែ Man Utd ហាក់គ្មានសំណាងឡើយ។ ជាក់ស្តែងណាស់ Man Utd បានភ្លក់រសជាតិចាញ់លើកដំបូង ក្នុងសប្តាហ៍នេះ ដែលមិនគួរឲ្យជឿសោះឡើយ។ ក្រុម Huddersfield Town បានលុតក្រុមបីសាចក្រហម នៅតង់ទី១ រហូតដល់ទៅ ២-០ ដែលរកបានដោយការស៊ុតរបស់កីឡាករ Mooy នៅនាទីទី២៨ និងកីឡាករ Depoitre នៅនាទីទី៣៣ ដែលធ្វើឲ្យ Man Utd ក្តីស្លឹកត្រចៀកយ៉ាងខ្លាំង។

ឈានចូលដល់តង់ទី២ បីសាចក្រហម Manchester United បានដាកសម្ពាធយ៉ាងខ្លាំងលើក្រុមម្ចាស់ផ្ទះ Huddersfield Town តែមិនងាយស្រួលក្នុងការរកគ្រាប់បាល់ឡើយ ព្រោះថាក្រុមចំណូលថ្មីមួយនេះ លេងជាលក្ខណះការពារសុទ្ធសាធទៅហើយនោះ។ យ៉ាងណាវិញ​ ការប៉ុនប៉ងរកគ្រាប់បាល់របស់ Man Utd ពិតជាមិនខកបំណងឡើយ ដោយក្រុមជើងខ្លាំងមួយនេះ អាចរកបាន១គ្រាប់វាយបកវិញ ដោយការតែតបញ្ចូលទីរបស់កីឡាករ Marcus Rashford នៅនាទីទី៧៨។ Man Utd នៅតែបន្តវាយបកយ៉ាងខ្លាំងក្លា តែមិនអាចធ្វើអ្វីបានឡើយលើក្រុម Huddersfield Town ដោយបញ្ចប់ការប្រកួត ក្រុមបីសាចក្រហម Manchester United បានបរាជ័យក្នុងលទ្ធផល ២-១។

ដូច្នេះហើយ ក្រោមការដឹកនាំរបស់លោក Jose Mourinho នៅរដូវកាលនេះ Man Utd បានស្គាល់ពាក្យថាចាញ់លើកដំបូងហើយ។ គួរបញ្ជាក់ផងដែរថា​ការប្រកួត ក្នុងលីគ៩លើកកន្លងមកនេះ Man Utd ឈ្នះ៦ ស្មើ២ និងចាញ់១ប្រកួត ចំណែកទាំង៣ ប្រកួតនៅ Champion League វិញគឺ Man Utd ឈ្នះទាំង៣ប្រកួត។

https://www.youtube.com/watch?v=cFBdQaVeCC0