Post News Media ព័ត៌មានកីឡា ជម្រើស២ ដែលលោ...

ជម្រើស២ ដែលលោក Jose Mourinho ផ្តល់ឲ្យ Atletico Madrid

លោក Jose Mourinho បានចាប់អារម្មណ៍យ៉ាងខ្លាំង ក្នុងការនាំយកខ្សែបម្រើប្រយុទ្ធអេស្ប៉ាញ Saul Niguez ពីក្រុម Atletico Madrid ក្នុងនោះដែរ អ្នកចាត់ការក្រុម បីសាចក្រហម Manchester United រូបនេះ បានផ្តល់​លក្ខខ័ណ្ឌ ២យ៉ាងដល់ក្រុមអេស្ប៉ាញមួយនេះ។

បើតាមការចុះផ្សាយរបស់ Don Balon បានឲ្យដឹងថា ដើម្បីចង់បាន កីឡាករវ័យក្មេងអេស្ប៉ាញ Saul Niguez ពីក្រុម Atletico Madrid លោក Jose Mourinho បានផ្តល់លក្ខខ័ណ្ឌ ២យ៉ាងក្នុងការតាមទិញកីឡាកររូបនេះ។ ក្នុងនោះដែរ ជម្រើសទី១ ដែល Man Utd ផ្តល់ឲ្យ Atletico Madrid នោះគឺ​ ក្រុមអង់គ្លេសមួយនេះ នឹងចំណាយទឹកប្រាក់ប្រមាណជា ៨០លានផោន ដើម្បីទិញ​យក Saul Niguez ពីក្រុម Atletico Madrid ។ ចំណែក​ជម្រើសទី២ នោះគឺ​ លោក Jose Mourinho មានបំណងចង់ដោះដូរកីឡាករ ២រូបនៅក្នុងក្លិប រួមមាន Ander Herrera និង Juan Mata យកទៅប្តូរជាមួយ​នឹងកីឡាករ Saul Niguez ។

តាមរយ:ជម្រើសទាំង២ នេះ លោក Jose Mourinho មានជំនឿចិត្តយ៉ាងមុតមាំថា លោកនឹងអាចនាំយកកីឡាករ កំពុងតែលេងឡើងជើង រូបនេះពីក្រុម Atletico Madrid បាន ព្រោះថា ជម្រើសមួយណាក៍ល្អប្រសើរ សម្រាប់ ក្រុម Atletico Madrid ដែរ។ យ៉ាងណាវិញ នៅមិនទាន់មានប្រតិកម្មណា​មួយពីក្រុម Atletico Madrid ឡើយ ព្រោះថា ក្រៅពី Man Utd នៅមានក្រុមជាច្រើននៅអង់គ្លេស កំពុងចង់បាន Saul Niguez ។ ក៍ប៉ុន្តែ Atletico Madrid ប្រហែលជាពេញចិត្ត នឹងជម្រើសទី២ របស់បីសាចក្រហម Manchester United ច្រើនជាងក្រុមណាណា​ ទាំងអស់ ព្រោះត្រឹមតែចំណាយកីឡាករឆ្នើមម្នាក់ Atletico Madrid អាចទទួលបានកីឡាករល្អៗ ពីររូបវិញ រួមមានដូចជា​ Ander Herrera និង Juan Mata ដែលសុទ្ធសឹងជាកីឡាករ សំខាន់ៗ។

ដូច្នេះហើយ ក្រុមបីសាចក្រហ​ម Manchester United អាចនឹងទទួលបាន កីឡាករ Saul Niguez ពីក្រុម​ Atletico Madrid ជាក់ជាមិនខាន ដោយសារលក្ខខ័ណ្ឌ យ៉ាងល្អដែលបីសាចក្រហម ផ្តល់ឲ្យក្រុមជើងខ្លាំងអេស្ប៉ាញ​មួយនេះ។