ខ្សែបម្រើ Frank Lampard ដែលជាវិរបុរសរបស់ក្រុម Chelsea បានប្រកាសចូលនិវត្តន៍ហើយ ក្រោយពីចូលលេងបាន១១០១៩ប្រកួត រកបាន៣០៣គ្រាប់និងឈ្នះពានបាន១៣ពានរង្វាន់ផ្សេងគ្នា។
Lampard ជាកីឡាករល្អម្នាក់ក្នុងប្រវត្តិសាស្ត្ររបស់ក្លឹប Chelsea ដោយរូបគេជួយក្លឹបនេះជាច្រើន ហើយអ្នកគាំទ្រវិញក៏បានចាត់ទុករបស់គេជាវិរបុរសទៅហើយ តាំងពីផ្លាស់ចេញពីក្លឹបនៅឆ្នាំ២០១៤មកម្ល៉េះ។ ក្នុងសម័យកាលនេះ កីឡាករសញ្ជាតិអង់គ្លេសរូបនេះកំពុងតែបង្ហាញពីសមត្ថភាពរបស់ខ្លួនហើយ ដោយបានបន្តការចូលលេងរហូតដល់២១ឆ្នាំ រកបាន៣០៣គ្រាប់ ក្នុងការបង្ហាញខ្លួន ១០១៩ប្រកួតរបស់គេ។
កីឡាករដឹងសឹងតែគ្មាននរណាមានសមត្ថភាពស្មើក្នុងតំបន់បម្រើរបស់ប្រវត្តិសាស្ត្រ Chelsea រូបនេះ ត្រូវបានគេទទួលស្គាល់គ្រប់គ្នាតាំងពីលេងឱ្យក្រុមជម្រើសជាតិម្ល៉េះ ដូច្នេះហើយទើបបានជាពេលចូលនិវត្តន៍ទៅសឹងតែគ្រប់កីឡាករទាំងអស់សុទ្ធតែជូនពររូបគេ។ ត្រឹមវ័យ៣៨ឆ្នាំនេះដែរ Lampard បញ្ជាក់ថាវាគ្រប់គ្រាន់សម្រាប់រូបគេហើយក្នុងការចំណាយពេលលេងបាល់ ហើយយកពេលវេលានៅសល់ខ្លះដើម្បីគ្រួសារ។
សូមបញ្ជាក់ថាកីឡាករខាងលើនេះ លេងឱ្យក្រុមអាជីពបាន៩១៣ប្រកួត រកបាន២៧៤គ្រាប់ ខណៈដែលនៅក្រុមជម្រើសជាតិវិញបង្ហាញខ្លួនបាន១០៦ប្រកួត និងរកបាន២៩គ្រាប់៕
មតិយោបល់