បន្ទាប់ពីការបង្ហាញនូវចេតនា ចង់បានកីឡាកររបស់ក្រុម Tottenham Hotspur ខ្សែប្រយុទ្ធ Harry Kane នោះក្រុមReal Madrid កំពុងតែចាប់អារម្មណ៍លើខ្សែការពារ​កណ្តាល Toby Alderweireld មួយរូបទៀត។

Real Madrid កំពុងតែអន្ទងក្រុមTottenham យ៉ាងខ្លាំង ក្នុងការលក់កីឡាករ ឲ្យ Real Madrid នៅរដូវ​ក្តៅក្រោយនេះ។ បើតាមការចុះផ្សាយ របស់ Don Balon បានឲ្យដឹងថា បន្ទាប់ពីខ្សែប្រយុទ្ធ Harry Kane ក្រុម Real Madrid បានសម្លឹងឃើញខ្សែការពារកណ្តាលមួយ​រូបទៀតហើយ គឺកីឡាករ Toby Alderweireld ដែលកំពុងតែលេងឡើងជើងយ៉ាងខ្លាំង។​ ជាការពិតណាស់ Real Madrid ហាក់ដូចជាកាក់កប ក្នុងការទិញយក​កីឡាករពីក្រុម Tottenham នាពេលកន្លងមកដើម្បីទៅពង្រឹងក្លិប។ ក្នុងនោះដែរ រួមមាន Luka Modric យកទៅកាលពីឆ្នាំ ២០១២ ដោយពង្រឹង​តំបន់កណ្តាលបានយ៉ាងរឹងមាំ និង ខ្សែប្រយុទ្ធ Gareth Bale នៅឆ្នាំ ២០១៣ ដោយជួយឲ្យ Real Madrid ឈ្នះ Champion League ។

យ៉ាងណាវិញ ការសម្លឹងឃើញ Harry Kane នាពេលកន្លងមក Real Madrid មិនទាន់​ទាំងនាំយកបានទៅផង ស្រាប់តែនៅពេលនេះ ក្រុមយក្សអេស្ប៉ាញមួយនេះ បានបន្តមកចាប់អារម្មណ៍លើខ្សែការពារ Toby Alderweireld មួយរូបទៀត។ គួរបញ្ជាក់ផងដែរថា នៅតំបន់ការពារកណ្តាល របស់ Real Madrid ពិតជារឹងមាំខ្លាំងណាស់ ព្រោះតែមាន Sergio Ramos និង Raphael Varane រួមនឹង Nacho Fernandez ដលជារនាំងយ៉ាងក្រាស់ឃ្មឹក សម្រាប់ Real Madrid ។ ក៍ប៉ុន្តែ ប្រធានក្រុម Sergio Ramos មានវ័យ ៣០ឆ្នាំទៅហើយ ដែលរដូវកាលក្រោយនេះ កីឡាករអេស្ប៉ាញរូបនេះ នឹងកាន់តែជ្រេជាងមុនដែលតម្រូវឲ្យរកកីឡាករថ្មី តរៀមជំនួស។

ដូច្នេះហើយ​ នៅរដូវកាលក្រោយនេះ Real Madrid នឹងនាំយកទាំងព្រម នូវខ្សែប្រយុទ្ធ Harry Kane និងខ្សែការពារកណ្តាល Toby Alderweireld ដើម្បីមកពង្រឹងក្លិបបន្ថែមទៀត។