Post News Media ព័ត៌មានកីឡា Zidane អាចនឹង...

Zidane អាចនឹងរបូតតំណែង

គ្រូបង្វឹកបារាំង លោក Zinedine Zidane អាចនឹងរបូតតំណែង នៅក្រុមស្តេចស Real Madrid មុនបញ្ចប់រដូវកាលនេះ ប្រសិនបើ លោកមិនអាចដឹកនាំ​ក្រុមឲ្យមានភាពល្អប្រសើរជាងមុនទេនោះ។

បើតាមអ្នកសារពត៌មាន ក្នុងប្រទេសអេស្ប៉ាញលោក Raphael Honigstein បានចុះសរសេរចុះផ្សាយថា លោក​ Zidane កំពុងតែដើរតាមគន្លងរបស់លោក Carlo Ancelotti ហើយ ក្នុងរដូវកាលនេះ ក្នុងការប្រឈមបាត់បង់តំណែង ជាគ្រូបង្វឹកនៅក្រុម Real Madrid ក្នុងពេលឆាប់ៗនេះ។ អ្នកសារពត៌មានខាងលើនេះ បាននិយាយថា នៅ Real Madrid គេមិនដែលគិតពីគុណសម្បត្តិរបស់គ្រូបង្វឹករូប​ណាឡើយ មិនថាគ្រូបង្វឹកនោះ ធ្លាប់ដឹកនាំក្រុមឈ្នះពានច្រើនឡើយ ឲ្យដឹកនាំក្រុមរាងធ្លាក់បន្តិចនោះ ច្បាស់ណាស់ នឹងរបូតតំណែងជាក់ជាមិនខាន។

លោកបានបន្តទៀតថា មិនបាច់និយាយពីគ្រូបង្វឹកមុនៗ ឡើយដែលធ្លាប់ជួយឲ្យ Real Madrid ឲ្យទទួលបានជោគជ័យ សូម្បីលោក Carlo Ancelotti ដែលបានជួយ Real Madrid ឲ្យឈ្នះពាន Champion League ក្នុងរយ:ពេលជាង ១០​ឆ្នាំចុងក្រោយកន្លងមកនេះ ក៍ត្រូវបានបណ្តេញចេញ មុនកុងត្រាដែរ នៅពេលដឹកនាំ Real Madrid មិនបានល្អនោះ។ ហេតុនេះហើយ សម្រាប់លោក Zinedine Zidane វិញកំពុងតែដើរតាមគន្លងនេះហើយ ព្រោះថារដូវកាលនេះ Real Madrid ថ្វីត្បិតតែលេងល្អ នៅ Champion League តែនៅ Laliga វិញ គឺកំពុងតែត្រដាបត្រដួសយ៉ាងខ្លាំង លេងមិនឈ្នះសូម្បីតែក្រុម ទើបប្រមូតឡើងថ្មី។

យ៉ាងណាវិញ នៅមិនទាន់មានប្រតិកម្មណាមួយពីសំណាក់​ក្រុម Real Madrid ឡើយ មកទល់ពេលនេះ តែសម្រាប់លោក Raphael Honigstein ជឿជាក់ថា មិនយូរទេ ប្រសិនបើលោក Zidane មិនអាចកែប្រែស្ថានការណ៍ នៅ Laliga ឲ្យបានល្អទេនោះ ច្បាស់ណាស់ ដើរតាមគន្លងចាស់របស់លោក Carlo Ancelotti ជាក់ជាមិនខាន តែបើលោក អាចធ្វើបាននោះ តំណែងរបស់លោក នឹងមិនរបូតឡើយ។