ខ្សែការពារដ៍ឆ្នើម និងជាប្រធានក្រុមជម្រើសជាតិអេស្ប៉ាញ និង Real Madrid កីឡាករ Sergio Ramos បានយល់​ព្រមបន្តកុងត្រាថ្មីជាមួយក្រុមស្តេចស Real Madrid រហូតដល់ឆ្នាំ ២០២១។

សម្រាប់អ្នកគាំទ្រ Real Madrid ទាំងអស់ នេះគឺជាដំណឹងដ៍ល្អ ដែលប្រធានក្រុមដ៍ឆ្នើម និងជាខ្សែការពារ ប្រកបដោយថាមពល Sergio Ramos បានបន្តកុងត្រាថ្មីជាមួយក្លិប។ បើតាមការចុះផ្សាយរបស់​ប្រភព Marca បានឲ្យដឹងថា Ramos បានយល់ព្រមបន្ត​កុងត្រាថ្មី ដល់ឆ្នាំ ២០២១​ មានន័យថា ៤ឆ្នាំជាងទៀត ដែល កីឡាករអេស្ប៉ាញដ៍ឆ្នើមរូបនេះ​បន្តនៅ Bernabeu ។ ជាការពិតណាស់ Sergio Ramos មិនត្រឹមតែជាប្រធានក្រុម Real Madrid ប៉ុណ្ណោះឡើយ កីឡាកររបនេះ គឺជាខ្សែការពារដ៍រឹងមាំ មានភាពរហ័សរហួន និងពូកែកាត់បាល់ពីដៃគូម្ខាងណាស់។ មិនតែប៉ុណ្ណោះ Ramos បានចូលរួមចំណែកជាច្រើន ក្នុងការការពារជើង​ខាងក្រោមរបស់ Real Madrid ឲ្យមានភាពរឹងមាំ តាមរយៈការចាប់ដៃគូជាមួយ មិត្តរួមក្រុមជាច្រើនរូបទៀត។ មិនត្រឹមតែពូកែការពារឡើយ Ramos ក៍ជាកីឡាករដែលឧស្សាហ៍រកគ្រាប់បាល់បានដែរ ព្រមទាំងជាតារាសំណាងរបស់ Real Madrid ។

គួរបញ្ជាក់ផហងដែរថា កាលពីប្រកួតផ្តាច់ព្រ័ត្រជាមួយក្រុម Atletico​ Madrid នៅ Champion League កាលពីឆ្នាាម ២០១៤ Ramos គឺជាតារាសំណាងដែលតែតតាមស្មើ នៅម៉ោងបន្ថែមឲ្យក្រុម Real Madrid រហូតអាចធ្វើឲ្យ Real រកគ្រាប់បាល់ ៣គ្រាប់បន្ថែមទៀត នៅម៉ោងបន្ថែម ១៥នាទី ២ដង។ ម្យ៉ាងវិញទៀ​ត នៅការប្រកួតផ្តាច់ព្រ័ត្រ Champion League ម្តងទៀតជាមួយក្រុម Atletico Madrid នៅឆ្នាំ ២០១៥ Sergio Ramos នៅតែជាអ្នករកគ្រាប់បាល់ឲ្យក្រុម Real Madrid ដដែល។ ដូច្នេះហើយ វត្តមានរបស់ Sergio Ramos ជាមួយក្រុម Real Madrid បន្តទៀតនេះ នឹងក្លាយជាកម្លាំងចលករ​យ៉ាងសំខាន់ក្នុងការឈ្នះពានបន្តទៀត ជាមួយ Real Madrid ។