ថ្វីបើអ្នកចាំទីជម្រើសជាតិអាឡឺម៉ង់ Manuel Neuer បានជាពីរបួសហើយក្តី តែក្រុម Bayern Munich កំពុងតែសម្លឹងមើលអ្នកចាំទីជម្រើសជាតិអង់គ្លេស​មួយរូប នាព្រឹត្តិការណ៍ World Cup នៅរុស្ស៊ីសិន។

ជាក់ស្តែងណាស់ បើតាមការចុះផ្សាយរបស់ Daily Mail បានឲ្យដឹងថា ក្រុមជើងឯកអាឡឺម៉ង់ Bayern Munich ចាប់អារម្មណ៍ចង់បាន អ្នកចាំទី Jordan Pickford របស់អង់គ្លេស។ ក្នុងនោះដែរ Bayern Munich នឹងមិនទាន់ធ្វើការទាក់ទងណាមួយ ដើម្បីផ្ទេេយកអ្នកចាំទីរូបនេះឡើយ ដោយក្រុម​អាឡឺម៉ង់មួយនេះ នឹងធ្វើការសង្កេត Jordan Pickford នាការប្រកួត World Cup នៅរុស្ស៊ីសិន។ ក៍ប៉ុន្តែ តាមប្រភពខាងលើដដែល បានបញ្ជាក់ឲ្យដឹងទៀតថា Bayern Munich ប្រហែលជាមិនបោះបង់ឱកាស ក្នុងការតាមប្រមាញ់ អ្នកចាំទី​អង់គ្លេសរូបនេះឡើយ ខណ:ក្លិបមួយនេះ កំពុងត្រូវការអ្នកចាំទី​ បន្ថែមផងនោះ។

ដូច្នេះហើយ ក្រុម Bayern Munich នឹងតាមប្រមាញ់ អ្នកចាំទី​ Jordan Pickford របស់អង់គ្លេស បន្ទាប់ពីព្រឹត្តិការណ៍ World Cup នៅរុស្ស៊ីត្រូវ​បញ្ចប់​សិន។