ក្រុមបាល់ទាត់ជម្រើសជាតិ ហ្សកដានី នឹងមកដល់ព្រះរាជាណាចក្រកម្ពុជា ស្អែកនេះ នៅវេលា​ម៉ោង ​៨:៤៥​ នាទី​យប់ ​ដើម្បី​មក​ធ្វើប្រកួត​ជាមួយ​ក្រុមជម្រើសជាតិ​កម្ពុជា ​ក្នុង​ពាន​រង្វាន់​ AFC Asian Cup ​វគ្គ​ជម្រុះ​ក្នុង​ពូល C នៅថ្ងៃទី១៤​ ខែ​វិច្ឆិកា​ ឆ្នាំ​២០១៧​ខាង​មុខ។

ការមកដល់នេះ ពោលគឺមួយថ្ងៃមុន ជម្រើសជាតិកម្ពុជា ប្រកួតមិត្តភាពអន្តរជាតិជាមួយ មីយ៉ាន់ម៉ា នៅថ្ងៃទី០៩ ខែវិច្ចិកា។ ដូច្នេះហើយ ហ្សកដានី អាចមកទស្សនាទម្រង់លេងក៏ដូចជាមើលជើងកីឡាករណាដែលឆ្នើមនៅក្នុងក្រុមគោព្រៃ ដើម្បីដឹកពីចំណុចខ្លះខាត នឹងងាយស្រួលក្នុងការយកឈ្នះ។ រយ:ពេលមកដល់មុន ៦ថ្ងៃនេះ គឺសម្រាប់កីឡាករទាំង ២៤រូប របស់ ហ្សដានី ធ្វើការហ្វឹកហាត់ដើម្បីសម្របតាមអាកាសធាតុក្នុងប្រទេសកម្ពុជា។

សូមរំលឹងផងដែរថា គោព្រៃ ធ្លាប់បរាជ័យម្តងមកហើយនៅទឹកដី ហ្សដានី ដោយលទ្ធផល ៧ទល់០ ក្នុងជំនួប​ពាន​រង្វាន់​ AFC Asian Cup ​វគ្គ​ជម្រុះ​ក្នុង​ពូល C នេះ៕