ព័ត៌មានកីឡា

Napoli ចាប់អារម្មណ៍លើខ្សែបម្រើប្រយុទ្ធ Alireza Jahanbakhsh របស់អ៊ីរ៉ង់

ខ្សែបម្រើប្រយុទ្ធស្លាបរបស់អ៊ីរ៉ង់ Alireza Jahanbakhsh ត្រូវបានក្លិប Napoli នៃលីគកំពូលអុីតាលីចាប់អារម្មណ៍យ៉ាងខ្លាំង នេះបើតាមសេចក្តីរាយការណ៍ដោយ Corriere dello Sport ។

បច្ចុប្បន្ន Jahanbakhsh កំពុងលេងឱ្យ AZ Alkmaar ចាប់តាំងពីឆ្នាំ ២០១៥ មកម្លេះ។ កីឡាករវ័យ ២៣ ឆ្នាំរូបនេះ បានបង្ហាញនៅទម្រង់លេងយ៉ាងល្អ នារដូវកាលនេះក្នុងក្លិបហូឡង់។ កីឡាករអ៊ីរ៉ង់នេះ គឺជាផ្នែកមួយយ៉ាងសំខាន់សម្រាប់ជួយឲ្យ AZ Alkmaar ទទួលបានដំណែងក្នុងការប្រកួតជម្រុះ Europa League រដូវកាលក្រោយ។ នៅក្នុងរដូវកាល ២០១៦-២០១៧ Jahanbakhsh ត្រូវបានជាប់ជាខ្សែប្រយុទ្ធដ៏ឆ្នើមបំផុតនៃក្របខ័ណ្ឌហូឡង់។

ម្យ៉ាងវិញទៀតក្រោយពីដឹកនាំក្រុម AZ ទៅកាន់ការប្រកួតវគ្គផ្តាច់ព្រ័ត្រហូឡង់នៅឆ្នាំ ២០១៧ ក៏មានក្លិបជាច្រើនមកទាក់ទង រួមមាន Celtic, Fenerbahce និងក្រុម English Premier League គឺ Burnley, Watford និង Bournemouth ហើយពេលនេះ Napoli នៃក្របខ័ណ្ឌ Serie A ថែមទៀត ទោះជាយ៉ាងណាក៏ដោយរង់ចាំមើលការសម្រេចចិត្តរបស់កីឡាករអ៊ីរ៉ង់នេះ៕

មតិយោបល់