អតីតអ្នកចាំទីឆ្នើមរបស់ក្រុម Real Madrid កីឡាករ Iker Casillas បានប្រជែងឈ្នះ Cristiano Ronaldo, Lionel Messi និង Gianluigi Buffon ក្នុងការឈ្នះពានរង្វាន់ 2017 Golden Foot Award នាទីក្រុង Monaco កាលពីយប់ថ្ងៃអង្គរកន្លងមក។

នេះគឺជាភាពជោគជ័យថ្មីមួយសម្រាប់អ្នកចាំទីវ័យ៣៦ឆ្នាំ​ របស់ក្រុម Porto កីឡាករ Iker Casillas ក្នុងការឈ្នះពានរង្វាន់ផ្ទាល់ខ្លួនដ៍សំខាន់មួយនេះ។ ជាក់ស្តែងណាស់ Casillas មិនមែនប្រជែងឈ្នះកីឡាករបាល់ទាត់មធ្យមៗ ឡើយ តែអតីតអ្នកចាំទីឆ្នើម របស់ក្រុម Real Madrid រូបនេះ បានប្រជែងឈ្នះកំពូលខ្សែប្រយុទ្ធលំដាប់ពិភពលោក Cristiano Ronaldo, Lionel Messi និង ម្ចាស់ពសនឆ្នាំមុន Gianluigi Buffon ផងដែរ។ គួរបញ្ជាក់ផងដែរថា ពាន Golden Foot Award នេះដែរ ធ្វើឡើងដោយជ្រើសរើសតែកីឡាករដែលមានអាយុច្រើនជាង ២៨ឆ្នាំប៉ុណ្ណោះដើម្បីចម្រាញ់យកអ្នកគ្រងពាននេះ ខណៈឆ្នាំនេះ Iker Casillas បានឈ្នះពាននេះ ក្នុងវ័យ៣៦ឆ្នាំ។

Casillas បានឈ្នះពាន 2017 Golden Foot Award ដោយប្រជែងឈ្នះកីឡាករជាច្រើនរួមមាន ម្ចាស់ពានឆ្នាំមុន Gianluigi Buffon, Cristiano Ronaldo, Lionel Messi, Manuel Neuer, Yaya Toure, Sergio Ramos, Arjen Rubben, Thaigo Silva, Luis Suarez, និង Andrea Pirlo ។