លោក Scott Cooper អ្នកចាត់ការទូទៅរបស់ Ubon UMT បានបញ្ជាក់ថាខ្សែការពារ Victor Cardozo និងខ្សែបម្រើ Gionata Verzura បានចាកចេញពីក្រុមឥន្ទ្រីមួយនេះហើយ នេះបើយោងតាមរបាយការណ៍របស់ប្រទេសថៃ។

Cardozo នឹងទៅចូលរួមជាមួយក្រុម Chiangrai United ខណៈកូនកាត់ថៃ – អ៊ីតាលី Verzura នឹងលេងឱ្យក្រុម Ratchaburi ក្នុងរដូវកាល ២០១៨/២០១៩ ។ កីឡាករប្រេស៊ីល Cardozo ទទួលបានភាពជោគជ័យយ៉ាងខ្លាំងបន្ទាប់ពីចូលរួមជាមួយ Ubon UMT United នៅឆ្នាំ ២០១៥ ។ ខ្សែការពារប្រេស៊ីល បានក្លាយជាផ្នែកសំខាន់ក្នុងការជួយដល់ក្រុមឥន្ទ្រីឡើងពីក្របខ័ណ្ឌលីគលំដាប់ទី ៣(League North-East Division) រហូតឈានមកដល់លីគកំពូលថៃក្នុងរយៈពេល ៣ ឆ្នាំ។

Gionata Verzura ជាកូនកាត់ថៃ-អ៊ីតាលី ខ្សែបម្រើកណ្តាលវ័យ ២៥ ឆ្នាំរូបនេះ ត្រូវបានកោះហៅឲ្យចូលរួមក្នុងក្រុមជម្រើសជាតិថៃ ដោយអតីតគ្រូបង្វឹក Kiatisuk Senamuang សម្រាប់ការប្រកួតជម្រុះ World Cup ជុំទី ៣ កាលពីខែមីនា ប៉ុន្តែមិនបានចូលរួមនៅក្នុងវគ្គចុងក្រោយទេ៕

Victor Cardozo Gionata Verzura