លោក Jose Mourinho​ បានប្រាប់ The Goal ថានៅក្នុង​ជំនួបជាមួយក្រុមសារិកាព្រៃ Newcastle យប់ថ្ងៃអាទិត្យ​ខាងមុខនេះ លោកនឹងដាក់ Zlatan Ibrahimovic ឲ្យបង្ហាញខ្លួនលើកដំបូងក្នុងរដូវកាលនេះ។

នេះគឺជារឿងដ៍ល្អមួយ សម្រាប់ក្រុមបីសាចក្រហម Manchester United ចំពោះការវិលត្រឡប់មកកាន់ទី​លានវិញ របស់ខ្សប្រយុទ្ធដ៍ឆ្នើម Zlatan Ibrahimovic ។ ក្នុងនោះដែរ លោក Jose Mourinho បានឲ្យដឹងថា លោកបានសម្រេចចិត្តក្នុងការដាក់ Zlatan ឲ្យលេងក្នុងការ​ប្រកួតនេះ ដោយប្រហែលជាអាចចាប់ដៃគូប្រយុទ្ធជាមួយ​នឹង Romelu Lukaku ។ យ៉ាងណាវិញ សម្រាប់ទម្រង់លេងរបស់លោក Mourinho ហាក់មិនតម្រូវ​ឲ្យខ្សែប្រយុទ្ធទាំង២ លេងជាមួយគ្នាបានឡើយ ដោយមានម្នាក់ត្រូវបម្រុង តែគ្រូបង្វឹករូបនេះ ចង់សាកសមត្ថភាព នៃការចាប់ដៃគូរវាងកីឡាករជួរមុខ​ ទាំងពីររូបនេះ។

ប៉ុន្តែលោក Jose Mourinho ក៍បានឲ្យដឹងផងដែរថា លោកនឹងមិនដាក់ Zlatan Ibrahimovic លេងពេញ ៩០នាទីឡើយ ដោយហេតុថា កីឡាករស៊ុយអ៊ែតរូបនេះ កាន់តែចាស់ណាស់ទៅហើយ ម្យ៉ាង រូបគេទើបជាពីរបួសមិនទាន់លេងពេញការប្រកួត​បាននៅឡើយទេ។ យ៉ាងណាវិញ សម្រាប់ការចោទសួរមួយថា រវាង Lukaku និង Zlatan តើបន្តទៅមុខទៀត មួណាត្រូវលេង ដំបូងមួយណាត្រូវបម្រុងនោះ លោក Mourinho បានឆ្លើយតបមកវិញថា លោកនឹងរង់ចាំមើលលទ្ធផលសិន បើកីឡាករទាំងពីរ ចាប់ដៃគូគ្នាបានល្អ លោកនឹងដាក់ទាំងពីរ តែបើមិនបានល្អទេនោះ លោកនឹងសម្រេចចិត្តដាក់តែម្នាក់ ក្នុងជម្រើសដំបូង។

ដូច្នេះហើយ រង់ចាំមើលថា តើលោក Jose Mourinho ពិតជាដាក់ Zlatan Ibrahmimovic ឲ្យចូលលេងវិញ ឬយ៉ាងណា? ខណ: Line Up របស់ក្លិប មិនទាន់បានទម្លាក់ជាផ្លូវការណ៍នៅឡើយនោះ។