ក្រុមបាល់ទាត់ Inter Milan បានស្គាល់ជាតិ ក្នុងការឡើងទៅឈរកំពូលតារាង Serie A ហើយ ក្រោយពីបន្តមកយកឈ្នះលើក្រុមម្ចាស់ផ្ទះ Cagliari ក្នុងលទ្ធផល ៣-១ យប់មិញនេះទៀត។

នេះគឺជាលេងយ៉ាងល្អ សម្រាប់ក្រុម Inter Milan ក្នុងជំនួបក្រៅដីយប់មិញនេះ ដែលក្រុមយក្សអ៊ីតាលីមួយ​នេះ នៅតែធ្វើបានល្អដដែល ក្នុងការដណ្តើមយក ៣ពិន្ទុបន្ត ទៀត។ ជាក់ស្តែងណាស់ Inter Milan បានយកឈ្នះលើក្រុមម្ចាស់ផ្ទះ Cagliari ក្នុងលទ្ធផលយាងប្រសើរ ៣-១ យប់មិញនេះ ដែលធ្វើឲ្យ Inter ឡើងទៅឈរកំពូលតារាងបណ្តោះអាសន្នសិន។ ក្នុងនោះដែរ ៣គ្រាប់របស់ Inter Milan រកបានដោយខ្សែ​ប្រយុទ្ធ អាហ្សង់ទីន Mauro Icardi ចំនួន២គ្រាប់ ដោយស៊ុតបាននៅនាទីទី២៩ និង៨៣ និងកីឡាករ Marcelo Brozovic ១គ្រាប់ ដែលស៊ុតបាននៅនទីទី៥៥ ខណៈក្រុម ម្ចាស់ផ្ទះ Cagliari វិញ អាចវាយបកមកវិញ បានត្រឹម១គ្រាប់ប៉ុណ្ណោះ ធ្វើបានដោយកីឡាករ Leonardo Pavoletti នៅនាទីទី៧១ ។

ដូច្នេះហើយ ក្រុម Inter Milan បានឡើងទៅឈរកំពូលតារាងបណ្តោះអា​សន្ន ដោយមាន ៣៦ពិន្ទុលើក្រុម Napoli ១ពិន្ទុ តែនៅ​សល់១ប្រកួតទៀត សម្រាប់យប់នេះ។ ម្យ៉ាងវិញទៀតនោះ អ្វីដែលជាការធ្វើបានយ៉ាងល្អ សម្រាប់ក្រុម Inter Milan នោះ គឺ​ក្រុមយក្សអ៊ីតាលីមួយនេះ មិនទាន់ស្គាល់ការចាញ់ម្តងណាឡើយ ក្នុងរដូវកាលនេះ ដលយឆ្លងកាត់ការប្រកួត ១៤លើកកន្លងមក Inter Milan ឈ្នះ១១ និងស្មើ៣ មិនដែលចាញ់ឡើយ។

ហេតុនេះហើយ រង់ចាំមើលទាំងអស់គ្នាថា នៅនៅការប្រកួតទីប៉ុន្មាន ទើបធ្វើឲ្យក្រុម Inter Milan ស្គាល់ការបរាជ័យនោះ ខណៈ Juventus , Roma និង AC Milan សុទ្ធសឹងបរាជ័យក្រោម ស្នាដៃក្រុម Inter Milan ចំណែកក្រុម Napoli វិញ លេងបានត្រឹមស្មើក្នុងដីខ្លួនឯង​ទៀតនោះ។

https://www.youtube.com/watch?v=MR2EYup6lOE