ក្រុម Paris Saint Germain ហាក់ដូចជាគ្មានក្រុមណា​មួយ ដែលបំបាក់ក្រុមមួយនេះបានឡើយ ព្រោះថាសូម្បីតែ​ក្រុម ជើងឯកឆ្នាំមុន Monaco ក៍មិនអាចលេងឈ្នះក្រុមនេះ បានឡើយ។

ជាក់ស្តែងណាស់ ក្នុងការធ្វើដំណើរទៅកាន់ទឹកដី របស់ក្រុម ក្រុមការពារជើងឯក Monaco ក្រុម Paris Saint Germain នៅតែធ្វើបានយ៉ាងល្អ ដោយតាមទៅធ្វើស៊ី ក្នុងលទ្ធផល ២-១ ទៀត។ ក្នុងការប្រកួតនេះ ក្រុម Paris Saint Geemain បានស៊ុតនាំមុខដល់ទៅ២គ្រាប់មុន ដោយការស៊ុតរបស់ខ្សែប្រយុទ្ធ Edinson Cavani នៅនាទីទី១៩ និងការស៊ុតបាល់ ១១ម៉ែត្ររបស់ខ្សែប្រយុទ្ធ តម្លៃខ្លួនថ្លៃ Neymar នៅនាទីទី៥២ ខណៈក្រុម ម្ចាស់ផ្ទះ Monaco អាចវាយបកសងវិញ បានត្រឹម១គ្រាប់វិញ​ប៉ុណ្ណោះ តាមរយៈការស៊ុតរបស់កីឡាករ Joao Moutinho នៅនាទីទី៨១។

ដូច្នេះហើយ ក្រុម Paris Saint Germain នៅតែបន្តឈរកំពូលតារាង នៃ League1 ដដែល ដោយឆ្លងកាត់ ការប្រកួត ១៤លើកកន្លងមក ឈ្នះ ១២ និងស្មើ២ មិនទាន់ស្គាលចាញ់នៅឡើយទេ មាន៣៨ពិន្ទុ ក្នុងដៃ នាំមុខទៅលើក្រុមលេខ២ Lyon និងលេខ៣ Monaco ៩ពិន្ទុ។ ម្យ៉ាងវិញទៀតនោះ គិតមកទល់ពេលនេះ ទាំងការប្រកួតនៅ League1 និង Champion League ក្រុម Paris Saint Germain នៅមិនទាន់ស្គាល់ចាញ់នៅឡើយទេ ស្របពេលដែលខ្សែប្រយុទ្ធ Neymar និង Edinson Cavani តែងតែរកគ្រាប់បាល់ឲ្យក្រុម Paris Saint Germain គ្រប់ការប្រកួតតែម្តង។

https://www.youtube.com/watch?v=4wqvrjHAwNM