ភ្នំពេញៈ រថយន្តកូរ៉េដឹកអ្នកលេងភ្លេងពិណពាទ្យមួយក្រុម បើកបត់ស្តាំដៃមិនប្រយត្ន័ កៀរថយន្តរ៉េវ៉ូបើកស្របទិសដៅបណ្តាលឲ្យខូចខាតខាងមុខខាងឆ្វេងយ៉ាងដំណំ។

ហេតុការណ៍នេះកើតឡើងកាលពីវេលាម៉ោង១២យប់ឈានចូលថ្ងៃទី២៧ ខែវិច្ឆិកា ឆ្នាំ២០១៧ ស្ថិតនៅតាមបណ្តោយផ្លូវ១៨២ កែងនឹងផ្លូវម៉ៅសេទុង ស្តុបទេបផន ក្នុងសង្កាត់ផ្សារដេប៉ូ២ ខណ្ឌទួលគោក រាជធានីភ្នំពេញ។

មុនកើតហេតុគេឃើញរថយន្តកូរ៉េ ចំណុះមួយតោនកន្លះ ពណ៌ខៀវ ពាក់ស្លាកលេខ ស្វាយរៀង 2A-0849 ដឹកឧបករណ៍ភ្លែងពិណពាទ្យ និងអ្នកលេងភ្លេងមួយក្រុម ទើបនឹងចេញពីព្រះអង្គដងកើ នៅមុខព្រះរមរាជវាំង បំណងត្រឡប់មកផ្ទះបើកបរតាមបណ្តោយផ្លូវ១៨២ ទិសដៅពីកើតទៅលិច លុះមកដល់ចំណុចកើតហេតុខាងលើ បានបត់ស្តាំមកផ្លូវម៉ៅសេទុង បានកៀរថយន្តមួយគ្រឿងម៉ាកតូយ៉ូតារ៉េវ៉ូ ពណ៌ខ្មៅ ពាក់ស្លាកលេខ ភ្នំពេញ 2AR-5155 ជិះដោយបុរសម្នាក់ស្របទិសដៅគ្នា បណ្តាលឲ្យខូចខាតកាងខាងមុខខាងឆ្វេងយ៉ាងដំណំ។

ក្រោយកើតហេតុសមត្ថកិច្ចមូលដ្ឋានបានចុះមកដល់ឲ្យភាគីទាំងសងខាងសម្របសម្រួលគ្នាដោយខាងភាគីម្ចាស់រថយន្តកូរ៉េសងសំណងទៅម្ចាស់រថយន្តតូយ៉ូតារ៉េវ៉ូចំនួន៧០០ដុល្លារដើម្បីចញ្ចប់រឿងនៅកន្លែងកើតហេតុ៕