គ្រូបង្វឹកបារាំង​ របស់ក្រុមស្តេចស Real Madrid លោក Zinedine Zidane បានបញ្ជាក់យ៉ាងច្បាស់ ពីអនាគត់​របស់ខ្សែប្រយុទ្ធវែល Gareth Bale ដែលមិនចាកចេញ ពីក្រុម Real Madrid នៅរដូកាលនេះឡើយ។

បន្ទាប់ពីមានការចុះផ្សាយ នាពេលកន្លងមក អំពីការចាកចេញ របស់ Gareth Bale ទៅកាន់ Premier League នាខែមករានេះ លោក Zidane បានចេញមុខមក​បញ្ជាក់រឿងនេះ។ ជាក់ស្តែងណាស់ បើតាម Daily Star បានឲ្យដឹងថា លោក​ Zidane ពិតជាមានបំណងលក់ ខ្សែប្រយុទ្ធ Gareth Bale មែន តែមិនមែនលក់នៅខែ​មករាខាងមុខនេះឡើយ។ ក្នុងនោះដែរ គ្រូបង្វឹកបារាំងរូបនេះ បានឲ្យដឹងបន្ថែមទៀតថា លោកមិន​លក់ កីឡាករណាម្នាក់ឡើយ លោកមានតែទិញកីឡាករមកបន្ថែមប៉ុណ្ណោះ ដើម្បីរៀបចំទម្រង់លេងថ្មី ដែលលោកគ្រោងទុក​ ក្នុងពេលដ៍ខ្លីខាងមុខនេះ ។

យ៉ាងណាវិញ Zidane បានផ្តោតទៅលើ Bale ខ្លាំងជាងគេ ព្រោះថា ថ្វីបើមានពត៌មាននៃការចាកចេញ ក៍ដោយ តែលោកចង់ឲ្យ Bale ប្រើប្រាស់ រដូវកាលនេះ ដើម្បីជារដូវកាលចុងក្រោយ សម្រាប់កីឡាកររូបនេះ។ គួរបញ្ជាក់ផងដែរថា Bale ២រដូវកាលចុងក្រោយនេះ ធ្លាក់ទម្រង់លេងយ៉ាងខ្លាំង បន្ទាប់ពីកីឡាកររូបនេះ បានរងរបួសញ៉ាំញី​ ប៉ុន្មានលើកមកនេះ។ ម្យ៉ាងទៀតនោះ Real Madrid បាន​ត្រៀមនាំយក កីឡាករល្អៗ​ មបន្ថែមនៅតំបន់ប្រយុទ្ធ រួចមកហើយ ដែលអាចធ្វើឲ្យ Gareth Bale ត្រូវអង្គុយមើល ច្រើនជាងមុន។

ដូច្នេះហើយ​ លោក Zinedine Zidane នឹងលក់ Gareth Bale តែមិនមែនខែមករាខាងមុខនេះឡើយ ដោយរង់ចាំរហូតដល់ រដូវក្តៅក្រោយសិន។