ក្រុមហង្សក្រហម Liverpool និងក្រុមតោខៀវ Chelsea កំពុងតែចាប់ផ្តើមផ្ទុះសង្រ្គាមដាក់គ្នាហើយ ក្នុងការប្រជែងទិញខ្សែប្រយុទ្ធដ៍មានប្រជាប្រិយភាពមួយរូប​នៅខែមករាខាងមុខនេះ។

ថ្មីនេះ បន្ទាប់ពីក្រុមតោខៀវ Chelsea បង្ហាញនូវការចាប់អារម្មណ៍ចង់បាន ខ្សែប្រយុទ្ធដ៍មុតស្រួច​របស់ក្រុម Borussia Dortmund កីឡាករ Pierre-Emerick Aubameyang មកចាប់ដៃគូជាមួយ Alvaro Morata ។ យ៉ាងណាវិញ បើតាមការចុះផ្សាយរបស់ The Mirror បានឲ្យដឹងថា ក្រុមហង្សក្រហម Livepool បានបង្ហាញនូវការចាប់អារម្មណ៍ក្នុងការចង់បាន Aubameyang ពីក្រុម Dortmund ដូចគ្នា។ ជាការពិតណាស់ Liverpool ចាប់អារម្មណ៍ Aubameyang ជាយូរណាស់មកហើយ ព្រោះថា លោក Klopp ជាអតីតគ្រូបង្វឹកក្រុម Dortmund មននំណងចង់បានកីឡាកររូបនេះ តាំងពីលោក មកដឹកនាំ Liverpool ដំបូងម្លេះ។

ក៍ប៉ុន្តែ​ ដោយសារកុងត្រា និងបំណងរបស់ Aubameyang មិនទាន់ចង់ចាកចេញ Dortmund នោះទើបធ្វើឲ្យលោក មិនទាន់អាចនាំយកកីឡាកររូបនេះ។ យ៉ាងណាវិញ សម្រាប់​ខែមករាខាងមុខនេះ លោក Klopp នឹងប្រជែងជាមួយក្រុម​តោខៀវ Chelsea ដើម្បីទិញយក Aubameyang ពីក្រុម Dortmund ឲ្យបាន។ ម្យ៉ាងវិញទៀតនោះ លោក Klopp ជឿជាក់ថា Aubameyang នឹងផ្លាស់មកកាន់ Liverpool ច្រើនជាង Chelsea ព្រោះថា តាមរយៈទំនាក់ទំនងរបស់លោក យ៉ាងល្អជាមួយ កីឡាកររូបនេះ នាពេលកន្លងមក ច្បាស់ណាស់ ថាលោក​មានសង្ឃឹមក្នុងការនាំយក Aubameyang មកកាន់ Anfield នោះ។

ដូច្នេះហើយ រង់ចាំមើលថា តើសង្រគសមរវាងក្រុម ហង្សក្រហម Liverpool និងតោខៀវ Chelsea មួយណាជាអ្នកទទួលបានជោគជ័យនោះ?