ព័ត៌មានកីឡា

Costa ស៊ុតគ្រាប់បាល់ដំបូងក្នុងការបង្ហាញខ្លួនសារជាថ្មីឲ្យក្រុម At. Madrid

ខ្សែប្រយុទ្ធអេស្ប៉ាញ Diego Costa ពិតជាមិនធ្វើឲ្យក្រុម Atletico Madrid ខកបំណងឡើយ ដោយកីឡាកររូបនេះ អាចរកគ្រាប់បាល១គ្រាប់ក្នុងការបង្ហាញខ្លួនលើកដំបូងឲ្យក្រុមអេស្ប៉ាញ​មួយនេះ​ក្នុងជំនួប Copa​ dey Rey ជាមួយក្រុម Lleida Esportiu យប់មិញនេះ។

ក្រុម Atletico Madrid ពិតជាធ្វើបានយ៉ាងល្អ ក្នុងការប្រកួតជើងទី១ ដោយបំបាក់ក្រុមម្ចាស់ផ្ទះ​ Lleida Esportiu ក្នុងលទ្ធផល ៤-០ ដែលស៊ុតបញ្ចូលទីដោយកីឡាករ Diego Godin នៅនាទីទី៣៣, Fernando Torres នៅនាទីទី៣៧ , Diego Costa នៅនាទីទី៦៩ និង Antoine Griezmann នៅនាទីទី៩០។ យ៉ាងណាវិញនោះ អ្វីដែលគួរឲ្យចាប់អារម្មណ៍នោះគឺ​ Diego Costa ព្រោះថាកីឡាកររូបនេះ ទើបផ្លាស់មកកាន់ក្រុម Atletico នាពេលថ្មីៗនេះ តែរូបគេនៅតែជាកីឡាករដ៍សំខាន់ដដែល ដោយអាចរកគ្រាប់បាល់​បាន១គ្រាប់ក្នុងការបង្ហាញខ្លួនលើកដំបូងឲ្យក្រុម Atletico Madrid ។

Costa នៅតែជាខ្សែប្រយុទ្ធ ដ៍ល្អមួយរូបដដែល ខណ:ការវិលមកកាន់អេស្ប៉ាញវិញលើកនេះ Costa នឹងបន្តការលេងបានយ៉ាង​ល្អ ដូចរូបគេធ្លាប់ធ្វើបានកាលពីលើកមុនអ៊ីចឹង។ Diego Costa នឹងធ្វើឲ្យក្រុម Atletico Madrid មានភាពរីកចម្រើនជាងមុនជាក់ជាមិនខានឡើយ។

https://www.youtube.com/watch?v=Rnz0thYnMRI

មតិយោបល់