បើទោះបីជាកន្លងមក ក្រុម Barcelona ហាក់ពិបាកក្នុងការជួបជាមួយក្រុម Celta Vigo ក៍ដោយ ក៍ប៉ុន្តែ ក្នុងជំនួបជើងទី២ Copa dey Rey យប់មិញនេះ Barcelona បានលុតក្រុម Celta Vigo យ៉ាងចាស់ដៃក្នុងលទ្ធផល ៥-០។
Barcelona បានបន្តឡើងទៅកាន់វគ្គបន្ទាប់ទៀតហើយ ក្រោយពីទម្លាក់ក្រុម Celta Vigo ក្នុងលទ្ធផលសរុបទាំង២ជើង ៦-១ ។ ជាក់ស្តែងណាស់ យប់មិញនេះ Barcelona ធ្វើបានយ៉ាងល្អ ដោយបំបាក់ក្រុម ដែលតែងតែធ្វើព្យុះភ្លៀងដាក់ ពួកគេ គឺ Celta Vigo កនុងលទ្ធផល ៥-០ យ៉ាងចាស់ដៃបំផុត។ ៥គ្រាប់របស់ក្រុម Barcelona ស៊ុតបានដោយ កំពូលខ្សែប្រយុទ្ធអាហ្សង់ទីន Lionel Messi ២គ្រាប់ នៅនាទីទី ១៣ និង១៥, Jordi Alba នៅនាទីទី២៨, Luis Suarez នៅនាទីទី៣១ និង Ivan Rakitic នៅនាទីទី៨៧។ តាមរយ: លទ្ធផលយ៉ាងប្រសើរនេះ បានធ្វើឲ្យក្រុមជើងឯកចាស់ Barcelona បន្តឡើងទៅកាន់វគ្គបន្ទាប់ទៀត ក្នុងពានរង្វាន់ Copa dey Rey នេះ ក្នុងនាមជាក្រុមការពារជើងឯក។
គួរបញ្ជាក់ផងដែរថា រដូវកាលនេះ ក្នុង៣ប្រកួតចុងក្រោយ ក្រុម Barcelona ទើបលេងឈ្នះក្រុម Celta Vigo បាន១ប្រកួតនេះប៉ុណ្ណោះ ខណ:ជើងទី១ នៅដី Celta Vigo ស្មើគ្នា ១-១ និង នៅ Laliga ក្នុងដី Barcelona ស្មើគ្នាក្នុងលទ្ធផល ២-២ ។
//www.youtube.com/watch?v=yltAuqPEEfc
មតិយោបល់