ខ្សែបម្រើប្រយុទ្ធអង់គ្លេស Dele Alli អាចនឹងមិនចាកចេញពីក្រុម Tottenham Hotspur ក៍ថាបាន បន្ទាប់ពីលោក Mauricio Pochettino បានពិភាក្សាតម្លៃពលកម្មថ្មីជាមួយកីឡាករវ័យក្មេងអង់គ្លេសរូបនេះ។

ជាក់ស្តែងណាស់ បើតាមការចុះផ្សយរបស់ Daily Mail បានឲ្យដឹងថា លោក Mauricio Pochettino បានលួងលោម Dele Alli កុំឲ្យចាកចេញពី White Heart Land ដោយបន្ថែមតម្លៃពលកម្មគុណនឹង២ ដល់​កីឡាកររូបនេះ។ ជាក់ស្តែងណាស់ Alli នាពេលបច្ចុប្បន្ននេះ តម្លៃពលកម្មប្រចាំសប្តាហ៍របស់រូបគេ ត្រឹម ៥ម៉ឺនផោនប៉ុណ្ណោះ ក្នុង១សប្តាហ៍ ខណ:រូបគេនឹងទទួលបានប្រាក់ពលកម្ម ១០ម៉ឺនផោន បើបន្តនៅ Spurs ទៀត។

យ៉ាងណាវិញនោះ បើទោះបីជា​មានការតម្លើងតម្លៃពលកម្មគុណនឹង២ បែបនេះក្តី តែវានៅមានកម្រិតទាបជាងកីឡាករមួយចំនួនដែលមានឈ្មោះបោះសម្លេងមិនល្បីល្បាញដូច Alli ឡើយ។ ម្យ៉ាងវិញទៀត Dele Alli កំពុងត្រូវបានក្លិបយក្ស២នៅអឺរ៉ុបចង់បាននៅរដូវក្តៅក្រោយ​នេះ ដែលរួមមានក្រុមសម្បូរលុយមហាសាលមកពីបារាំង Paris Sait Germain និងក្រុមដែលជោគជ័យខ្លាំង​កាលពីឆ្នាំ ២០១៧ អធិរាជស Real Madrid របស់អេស្ប៉ាញ ដែលផ្តល់តម្លៃខ្លួនថ្លៃ រួមទាំងតម្លៃពលកម្ម​ច្រើនជាង Spurs ផងដែរ។

ប៉ុន្តែ សម្រាប់លោក Mauricio Pochettino មានជំនឿចិត្តថា Alli នឹងមិនចាកចេញឡើយ ព្រោះថា កុងត្រារបស់កីឡាករវ័យ ២១ឆ្នាំរូបនេះ ត្រូវបន្តដល់ឆ្នាំ ២០២២ ម្យ៉ាង Spurs បានតម្លើងតម្លៃពលកម្មប្រចាំសប្តាហ៍ខ្ពស់គួរសមបន្ថែម។