អតីតគ្រូបង្វឹករបស់ក្រុម AC Milan, Chelsea, Paris Saint Germai, Real Madrid និង Bayern Munich លោក Carlo Ancelotti បានត្រៀមវិលទៅកាន់ Premier League វិញហើយនៅរដូវកាលក្រោយនេះ។

បើតាមការចុះផ្សាយរបស់ Corriere dello Sports ក្នុង​ប្រទេសអ៊ីតាលី បានឲ្យដឹងថា លោក Carlo Ancelotti បានត្រៀមខ្លួនទៅដឹកនាំក្លិបបាល់ទាត់ធំមួយ របស់ Premier League វិញហើយ។​ ជាក់ស្តែងណាស់ ប្រភព​ខាងលើដដែល បានបញ្ជាក់ផងដែរថា លោក Ancelotti​​ នឹងទៅជំនួសតំណែងរបស់លោក Arsene Wenger នៅក្រុមកាំភ្លើងធំ Arsenal នៅរដូវកាលក្រោយនេះ។

ក្នុងនោះដែរលោក Carlo Ancelotti បានយល់ព្រមចុះកុងត្រារយ:ពេល ៤ឆ្នាំ ដោយទទួលបាន​ប្រាក់ឈ្នួលចំនួន ៤០លានអឺរ៉ូ ពីកុងត្រានេះ។ តាមរយ:ប្រភពមួយនេះ បានបញ្ជាក់យ៉ាងច្បាស់ថា ក្រុមកាំភ្លើងធំ Arsenal បានត្រៀមបណ្តេញលោក Arsene Wenger ចេញហើយ បន្ទាប់ពីលោក ដឹកនាំមិន​សូវទទួលបានជោគជ័យសោះ នាពេលកន្លងមកនេះ។

ម្យ៉ាងវិញទៀត នៅរដូវកាលនេះ Arsenal ហាក់ធ្លាក់ទម្រង់​លេងជាឆ្នាំមុនទៀត ស្របពេលដែលតំណែង Champion League ប្រហែលជាក្រុមកាំភ្លើងធំ Arsenal បន្តរបូតនៅ​ឆ្នាំករោយនេះផងដែរ។ ដូច្នេះហើយ ការនាំយកលោក Carlo Ancelotti មកជំនសលោក Arsene Wenger អាចក្លាយជារឿងប្រសើរ ព្រោះថាលោក Ancelotti ធ្លាប់ជួយក្រុមជាច្រើនឲ្យទទួលបានជោគជ័យនាពេលកន្លង​មក។