លោក Jose Mourinho បានឲ្យដឹងថា លោកនឹងមិនទិញខ្សែការពារស្លាបឆ្វេង បន្ថែមទៀតឡើយ ដើម្បីផ្តល់ឱកាសឲ្យ Luke Shaw បន្តលេងនៅ Old Trafford បន្តទៀត។
ជាក់ស្តែងណាស់ កាលពីពេលថ្មីៗកន្លងមកនេះ ក្រុមបីសាចក្រហម Manchester United បានទាកមទងទិញខ្សែការពារស្លាបឆ្វេង Danny Rose ពីក្រុម Tottenham Hotspurក្នុងគោលបំណងយកមកបំពេញបន្ថែមតំបន់នេះ ស្របពេលដែលក្លិបអង់គ្លេសមួយនេះ ចង់លក់ Shaw ចេញផងដែរ។ យ៉ាងណាវិញ លោក Jose Mourinho បានឲ្យដឹងតាមរយៈ Sky Sports ថា លោកនឹងមិនទិញខ្សែការពារបន្ថែមទៀតឡើយ ព្រោះថា Man Utd មានខ្សែការពារល្អគ្រប់គ្រាន់ហើយ។
ម្យ៉ាងវិញទៀតនោះ Luke Shaw នឹងបន្តនៅ Old Trafford លោកនឹងផ្តល់ឱកាសម្តងទៀត ឲ្យកីឡាកររូបនេះ ដើម្បីពង្រឹងសមត្ថភាពឲ្យបានល្អ ប្រសើរជាងមុន ក្នុងការជួយក្លិបឲ្យទទួលបានជោគជ័យ។ ថ្វីត្បិតតែលោក Mourinho ធ្លាប់រិះគន់ចំពោះទម្រង់លេង Luke Shaw ក៍ដូចជាការចង់លក់ចេញក៍ដោយ តែនៅពេលនេះ មិនដូចមុនឡើយ លោក Mourinho ចង់ពង្រឹងខ្សែការពារដែលមានស្រាប់ ជាជាងការទិញយកមកបន្ថែមហើយលក់ចេញ ស្របពេលដែល Luke Shaw នាពេលបច្ចុប្បន្ននេះ មានការគ្រាន់បើជាងមុនផងដែរ។
ហេតុនេះហើយ ក្រុមបីសាចក្រហម Manchester United នឹងមិនទិញខ្សែការពារស្លាបឆ្វេងបន្ថែមឡើយ ក្នុងន័យផ្តល់ឱកាសឲ្យ Luke Shaw បន្តលេងនៅ Old Trafford ។
មតិយោបល់