Post News Media ព័ត៌មានកីឡា Ramos៖ ពួកយើង...

Ramos៖ ពួកយើងគាំទ្រ Zidane គ្មានការចាកចេញណាមួយកើតឡើងឡើយ

បន្ទាប់ពីមានបណ្តាញពត៌មានក្នុងស្រុក និងក្រៅស្រុកជាច្រើន កំពុងតែបញ្ចេញមតិយ៉ាងគំហុក ទាក់ទងជាមួយនឹងអត្ថិរភាព នៃអនាគត់របស់លោក Zinedine Zidane ជាមួយនឹងក្រុម Real Madrid នោះ នៅពេលនេះ ប្រធានក្រុម Real Madrid បានចេញមុខមកការពារគ្រូបង្វឹកបារាំងរូបនេះ។

ជាក់ស្តែងណាស់ បើតាមការចុះផ្សាយរបស់ ESPN report​s បានឲ្យដឹងថា ខ្សែការពារដ៍ឆ្នើម និងជាប្រធានក្រុម Real Madrid កីឡាករ Sergio Ramos បានចេញមុខមកការពារលោក Zidane ទាក់ទងនឹងពាក្តយចរចាមអារាមជាច្រើន នាពេលថ្មីៗកន្លង​មកនេះ។ ក្នុងនោះដែរ Ramos បាននិយាយថា៖ ពួកយើងទាំងអស់នៅទីនេះ គាំទ្រ Zidane ជានិច្ច គ្មានការចាកចេញណាមួយអាចកើតឡើងឡើយ ។ ជាការពិតណាស់ Ramos បានឲ្យដឹងទៀតថា ថ្វីត្បិតតែ​រដូវកាលនេះ Real Madrid ធ្លាក់ទម្រង់ហួសពីការស្មានមែន តែមិនទាន់ដល់ពេលដែល​ត្រូវបណ្តេញគ្រូបង្វឹកចេញឡើយ។

“ពួកយើងនៅមានឱកាសមួយក្នុងការសាងប្រវត្តិសាស្ត្រថ្មី នៅសតវត្សរ៍ទី២១នេះ ពោលគឺការដណ្តើមយក Champion League រដូវកាលនេះ ដើម្បីបង្កើតកំណត់ត្រាថ្មី ឈ្នះពាន ៣ឆ្នាំជាប់គ្នា បើទោះបីកាលពីអតីតកាល Real Madrid ធ្លាប់ឈ្នះ ៥ឆ្នាំជាប់គ្នាក៍ដោយ”។ Ramos បានបន្តទៀតថា យើងចាប់ផ្តើមបានយ៉ាងល្អ ២រដូវកាលកន្លងមកនេះ ដោយក្លាយជាក្រុមកំពូលមួយក្នុងពិភពលោក ដែលឈ្នះពានបានយ៉ាងច្រើន ទាំងក្លិប និងកីឡាកររបស់​ពួកយើង។ វាគ្មានអ្វីចម្លែកឡើយ ព្រោះថា​ឲ្យតែឈានដល់កម្រិតកំពូលមួយ នោះនឹងធ្លាក់ចុះមកវិញ ជាក់ស្តែង ដូចជា Real Madrid នៅពេលនេះដែរ។

ដូច្នេះហើយ Real Madrid នឹងបន្តការងារឲ្យលោក Zidane កែប្រែស្ថានការណ៍ឡើងវិញ ដើម្បីពង្រឹងក្លិបឲ្យ​វិលទៅរកភាពខ្លាំងក្លាឡើងវិញ។