ព័ត៌មានកីឡា

ម្ចាស់ផ្ទះ Ceres-Negros លុត បឹងកេត គ្មានប្រណី (វីដេអូ)

ក្រុមដំណាងប្រទេសកម្ពុជា បឹងកេត បានបរាជ័យក្រោមថ្វីជើងក្រុមម្ចាស់ផ្ទះ Ceres-Negros ក្នុងលទ្ធផលយ៉ាងលើសលប់ ៩ ទល់ ០ នាជំនួបបើកឆាក AFC Cup 2018 នៃពូល F កាលពីម្សិលមិញ នៅទីក្រុង Bacolod ប្រទេសហ្វីលីពីន លើកីឡដ្ឋាន Panaad Park ។

គ្រាប់បាល់យ៉ាងច្រើនរបស់ក្រុមម្ចាស់ផ្ទះរកបានដោយកីឡាករ Uesato នៅនាទី ១៥ នឹង ២២ កីឡាករ Bienve នៅនាទី ១៩ នឹង ២៩ ខ្សែបម្រើ Porteria នៅនាទី ៣១ នឹង ៨៥ ខណដែលនៅនាទី ៥៨ កីឡាករ សុវណ្ណារឹទ្ធ បានធ្វើឲ្យបាល់ចូលទីខ្លួនឯង ហើយនៅនាទី ៦៤ ខ្សែបម្រើ Carli រកបានមួយគ្រាប់ នឹងកីឡាករ Ma. Ott រកបានមួយគ្រាប់នៅនាទី ៨១ ។

ឆ្លាងកាត់ជំនួបបើកឆាកនេះ បឹងកេត ស្ថិតនៅបាតតារាងនៃពូល F ស្របពេលដែល Ceres-Negros ឈរនៅលេខ ១ ខណ:ដែល Home United ឈរនៅលេខ២ បន្ទាប់ពីបានយកឈ្នះម្ចាស់ផ្ទះ Shan United ដោយលទ្ធផល ១ ទល់ ០ ៕

https://www.youtube.com/watch?v=y-J_ON4YIzc

មតិយោបល់