ខ្សែបម្រើអាហ្សង់ទីន កីឡាករ Javier Pastore បានផ្ញើសារស្វាគមន៍ ចំពោះវត្តមានរបស់កំពូលខ្សែប្រយុទ្ធប្រេស៊ីល Neymar ដែលត្រៀមមកកាន់ក្រុម Paris Saint Germain នាពេលឆាប់ៗនេះ។

អ្វីដែលជាការចាប់អារម្មណ៍បំផុត ដែល Javier Pastore បានផុសនៅក្នុង Page ផ្លូវការណ៍របស់ក្រុម Paris Saint Germain នោះគឺការស្វាគមន៍យ៉ាងកក់ក្តៅ នូវវត្តមាន របស់ Neymar ។ ម្យ៉ាងវិញទៀតនោះ Pastore បានផ្តល់កាដូពិសេស ដល់ Neymar នូវអាវស្លាកលេខ ១០ ដែលរូបគេកំពុងតែពាក់នាពេលបច្ចុប្បន្ននេះ ទៅដល់កីឡាករកំពូល Neymar ផងដែរថា។

នៅក្នុងសារដែល Pastore បានផ្ញើរ មានសេចក្តីថា៖
នេះគឺជាកាដូបន្តិចបន្តួច ក្នុងការសកវាគមន៍ការមកកាន់ក្រុម PSG ។ ខ្ញុំចង់ឲ្យ អាវលេខនេះទៅគាត់ ព្រោះថា ខ្ញុំចង់ឲ្យគាត់សប្បាយចិត្ត នៅថ្ងៃដំបូងដែលគាត់មកទីនេះ។ គាត់នឹងក្លាយជាចំណែកមួយយ៉ាងសំខាន់សម្រាប់ក្លិបនៅរដូវកាលក្រោយនេះ។

ជាការពិតណាស់ ថ្វីបើមិនទាន់ មានការផ្ទេរផ្លូវការណ៍ ក៍ដោយ តែសម្រាប់ Javier Pastore បានត្រៀមខ្លួនរួចជាស្រេច ក្នុងការប្រគល់អាវលេខ ១០នេះទៅឲ្យ Neymar ដោយរូបគេនឹងវិលទៅពាក់អាវលេខ ២៧ ដែលជាលេខអាវដំបូងដែលរូបគេពាក់ ក្នុងពេលមកកាន់ ក្រុម Paris Saint Germain ដំបូងវិញ។ ដូច្នេះហើយ នេះគឺជា កាដូដ៍ធំមួយសម្រាប់ Neymar ដែលក្រុម PSG បានត្រៀមសម្រាប់រូបគេ។