Post News Media ព័ត៌មានកីឡា Roma ធ្វើឲ្យព...

Roma ធ្វើឲ្យពានរបស់ Napoli រង្គោះរង្គើ

ក្រុមចចក Roma ពិតជាលេងបានយ៉ាងល្អ ដោយបានទៅបំបាក់ក្រុមជើងខ្លាំង Napoli ដល់ក្នុងដី ដោយលទ្ធផលយ៉ាងចាស់ដៃ ៤-២ ដើម្បីធ្វើឲ្យក្រុម Napoli កាន់តែបារម្ភរឿងឈ្នះពានអ៊ីតាលី រដូវកាលនេះ។

ការលេងមិនចាញ់ និងស្មើជាច្រើនប្រកួតកន្លងមកនេះ របស់ក្រុម Napoli ត្រូវបានបញ្ចប់ហើយ ក្រោយពីភ្លាត់មកចាញ់ក្រុម Roma ដោយលទ្ទផល ៤-២ យប់មិញនេះ។ Napoli មានឱកាសរកគ្រាប់បាល់នាំមុខមុន តាំងពីនាទីទី៦ ដោយការស៊ុតរបស់កីឡាករ Lorenzo Insigne ក្តី ក៍ប៉ុន្តែត្រូវក្រុមភ្ញៀវ Roma វាយបកវិញ ៤គ្រាប់ផ្ទួនៗ ដោយការស៊ុតរបស់កីឡាករ Cengiz Under នៅនាទីទី ៧, Eden Dzeko ២គ្រាប់ នៅនាទីទី២៦, ៧៣ និងកីឡាករ Diego Perotti ស៊ុតនៅនាទីទី៧៩ ខណ: Napoli ទម្រាំរកគ្រាប់បាល់ទី២បាន ឈានចូលដល់​នាទីទី៩០ ដែលជាការស៊ុតរបស់កីឡាករ Dries Mertens ។

ការចាញ់ក្រុម Roma នេះដែរបានធ្វើឲ្យក្រុម Napoli មិនសុវត្ថិភាព ក្នុងការឈ្នះពានSerie A​ឆ្នាំនេះឡើយ ព្រោះថា ក្រុម Juventus បានយកឈ្នះក្រុមខ្លាំង Lazio ក្នុងលទ្ធផល ១-០ ដែរ ជាហេតុធ្វើឲ្យគម្លាតពិន្ទនាំមុខរបស់ក្រុម Napoli លើក្រុម Juventus នៅសល់ត្រឹម ២ពិន្ទុប៉ុណ្ណោះ។ ម្យ៉ាងវិញទៀតនោះ ក្រុមសេះបង្កង់ Juventus នៅសល់១ប្រកួតក្នុងដៃ ជាមួយក្រុម Bologna ទៀត ប្រសិនបើឈ្នះវិញ នោះ Juventus ត្រូវឡើងមកឈរកំពូលតារាង ជំនួស Napoli​ វិញ។

ដូច្នេះហើយ ការចាញ់ក្រុម Roma យប់មិញនេះ បានធ្វើឲ្យក្រុម​ Napoliរងនូវការខកចិត្តយ៉ាងខ្លាំង ដែលប្រឈមហ្នឹងការរបូតពានឆ្នាំនេះ បន្ទាប់ពីឈរកំពូលតារាង តាំងពីដើមរដូវកាលកន្លងមក។