ក្រុម Manchester City បានត្រៀមប៉ូលិសជាច្រើន​ ដើម្បីមកការពារឡានក្រុង​ក្រុមហង្សក្រហម Liverpool មិនឲ្យមានការប៉ះទង្គិច ណាមួយកើតឡើងឡើយ នាយប់នេះ។

ការប្រកួតរវាង Man City និង Liverpool យប់នេះ មិនត្រឹមតែជាការប្រកួតដ៍​តានតឹងមួយក្នុងទីលានឡើយ ខណ:ក្រៅទីលានវិញ អ្នកគាំទ្ររវាងក្រុមទាំងពីរ​ អាចនឹងតានតឹងជាងការប្រកួតក្នុងទីលានទៅទៀត។ បញ្ហានេះដែរ​ កើតឡើង​ដោយសារតែ កាលពីប្រកួតក្នុងដី របស់ក្រុមហង្សក្រហម Liverpool​ នោះ អ្នកគាំ​ទ្រ​ Liverpool ជាច្រើនបានទៅរារាំង ដំណើរឡានក្រុងរបស់ក្រុម Manchester City ព្រមទាំងមានកាតប៉ះទង្គិចមួយចំនួនកើតឡើងផងដែរ នាពេលនោះ។

យ៉ាងណាវិញ សម្រាប់ការប្រកួតនៅទឹកដីរបស់ក្រុម Manchester City នាយប់នេះវិញ ក្រុម Manchester City បានត្រៀមប៉ូលិសជាច្រើន ដើម្បីត្រៀមទប់ទល់ជាមួយហេតុការណ៍ណាមួយកើតឡើង ជាពិសេសនោះ ចំពោះ អ្នកគាំទ្រក្រុម Manchester City ទាំងអស់ កុំឲ្យបង្កហេតុណាមួយទៅលើឡាន​ក្រុងរបស់ក្រុមហង្សក្រហម Liverpool ។​

ដូច្នេះហើយ រង់ចាំមើលថា តើភាពតានតឹងក្នុងទីលានរវាង Manchester City និង Liverpool អាចឈានទៅរកភាពតានតឹង នៅខាងក្រៅទីលានឬយ៉ាងណា?