ព័ត៌មានកីឡា

អ្នកគាំទ្រ PAOK និង AEK ប៉ះទង្គិចគ្នាយប់មិញនេះ

រឿងដ៏ចម្រូងចម្រាស់មួយ បានកើតឡើង កាលពីម្សិលមិញនេះ រវាងអ្នកគាំទ្រ ក្រុម PAOK Salonika និង​ AEK Athens​នៅក្នុងការប្រកួត Play Off ផ្តាច់ព្រ័ត្រពានរង្វាន់ Greece Cup ដែលក្រុម PAOK​ ឈ្នះ ២-១។

ការប៉ះទង្គិចនេះ​ បានចាប់ផ្តើមឡើង នៅចុងម៉ោងទៅហើយនៃការប្រកួត ខណ:ដែលក្រុម PAOK បានស៊ុតបញ្ចូលទីយកឈ្នះ ២-១​ លើក្រុម​ AEK Athens ​នៅនាទីទី ៨១ ​ដោយកីឡាករ Pedro Henrique។

ក្នុងហេតុការណ៍នេះ មនុស្សប្រមាណជា ៨៥០០នាក់​ ក្នុងចំណោម​ ២២០០០នាក់បានចូលរួមនៅក្នុងការប៉ះទង្គិចនេះ ដែលបណ្តាលឲ្យមាន ការវាយប្រហារយ៉ាងធ្ងន់ធ្ងរបំផុត។ នៅក្នុងការប៉ះទង្គិចនេះដែរ ក្រុមប៉ូលិស បានចូលមកធ្វើអន្តរាគមន៍ ភ្លាមៗដោយបានបាញ់​ និងគប់គ្រាប់បែកផ្សែង ដើម្បីបំបែកក្រុមអ្នកគាំទ្រ របស់ក្រុមទាំង២ ឲ្យបែកចេញពីគ្នា។ រហូតមកទល់ពេលនេះ នៅមិនទាន់មានការរាយការណ៍ ពីការចាប់ខ្លួនមនុស្សប៉ុន្មាននាក់ នៅឡើយទេ ស្របពេលដែល FIFA កំពុងដោះស្រាយបញ្ហានេះ តើត្រូវឲ្យ PAOK ឈ្នះពាន ឬត្រូវប្រកួតឡើងវិញ៕

មតិយោបល់