ក្រោយចប់ការប្រកួត មុននេះបន្តិច ក្រុមម្ចាស់ផ្ទះ បឹងកេត បានយកឈ្នះភ្ញៀវ Home United ដោយលទ្ធផល ៣ ទល់ ២ នាពហុកីឡដ្ឋានជាតិ នៃពានរង្វាន់ AFC Cup 2018 វគ្គជម្រុះក្នុងពូល ប្រចាំពូល F ។

ត្រឹមរយ:ពេល ២ នាទីប៉ុណ្ណោះក្រុមភ្ញៀវ រកបានធ្វើការនាំមុខ ដោយកីឡាករ Song Uiyong ខណ:ដែលម្ចាស់ផ្ទះធ្វើការវាយបកបានសម្រេចដោយកីឡាករសញ្ជាតិប្រេសុីល Maycon ចំនួន ២ គ្រាប់ម្នាក់ឯង នៅនាទី ១១ នឹងនាទី ៤១ ដោយការទាត់បាល់ពិន័យ ១១ មែត្រ ស្របពេលដែលកីឡាករ Gbenga នៅនាទី ១៣ នៃវគ្គទី១ ។ ឈានមកដល់វគ្គទី២ ក្រុមភ្ញៀបានធ្វើការសម្រុកយ៉ាងខ្លាំងរហូតរកបាន ១ គ្រាប់ទៀតនៅនាទី ៦៧ ដោយកីឡាករ Faritz Bin Abdul ។ តែទោះបីជាយ៉ាងណា បឹកកេត នៅតែអាចទប់បាន ដោយរក្សាលទ្ធផល ៣ ទល់ ២ ដល់ចប់ការប្រកួត។

ដូច្នេះហើយ ក្រុមដំណាងឲ្យកម្ពុជា ស្គាល់ជ័យជម្នះជាលើកដំបូងក្នុងពានរង្វាន់ AFC Cup 2018 បន្ទាប់ពី ២ ប្រកួតមុនៗ បរាជ័យទាំងអស់ ហើយពេលនេះ បឹងកេត កំពុងមាន ៣ ពិន្ទុក្នុងដៃ តែឈរនៅបាតរាងដដែល៕