កាលពីម្សិលមិញ ក្រុមម្ចាស់ផ្ទះ បឹងកេត បានវាយបកយកឈ្នះភ្ញៀវ Home United ដោយលទ្ធផល ៣ ទល់ ២ នាពហុកីឡដ្ឋានជាតិ នៃពានរង្វាន់ AFC Cup 2018 វគ្គជម្រុះក្នុងពូល ប្រចាំពូល F ។

ត្រឹមតែរយ:ពេល ២ នាទីប៉ុណ្ណោះក្រុមភ្ញៀវ បានធ្វើការនាំមុខមុន ដោយកីឡាករ Song Uiyong ខណ:ដែលម្ចាស់ផ្ទះបានធ្វើការវាយបកមកវិញ នៃវគ្គទី១ ចំនួន ៣ គ្រាប់ ដោយធ្វើសម្រេចពីកីឡាករសញ្ជាតិប្រេសុីល Maycon ចំនួន ២ គ្រាប់ម្នាក់ឯង នៅនាទី ១១ នឹងនាទី ៤១ ដោយការទាត់បាល់ពិន័យ ១១ មែត្រ ស្របពេលដែលកីឡាករ Gbenga រកបានមួយគ្រាប់នៅនាទី ១៣ ។ ឈានមកដល់វគ្គទី២ ក្រុមភ្ញៀបានធ្វើការសម្រុកយ៉ាងខ្លាំងរហូតរកបាន ១ គ្រាប់មកវិញនៅនាទី ៦៧ ដោយកីឡាករ Faritz Bin Abdul ។ តែទោះបីជាយ៉ាងណា បឹកកេត នៅតែអាចទប់បាន ដោយរក្សាលទ្ធផល ៣ ទល់ ២ ដល់ចប់ការប្រកួត។

ដូច្នេះហើយ ក្រុមដំណាងឲ្យកម្ពុជា ទទួលបាន ៣ ពិន្ទុ តែមិនអាចគេចផុតពីដំបន់បាតតារាងឡើយ ដោយគិតត្រឹម ៣ ប្រកួតមកនេះ ខណៈដែលជំនួបមុនមុន បរាជ័យទាំងអស់៕