ការរង់ចាំរបស់អ្នកទស្សនាបាល់ទាត់ទាំងអស់ ជុំវិញការចាប់ឆ្នោត UEFA Champion League វគ្គ ៨ក្រុមចុងក្រោយបានចេញលទ្ធផលហើយ ខណៈរឿងមិននឹកស្មានមួយបានកើតឡើង ចំពោះក្រុមអង់គ្លេសទាំង២ ។

នេះគឺជារឿងនឹកស្មានមិនដល់មួយ សម្រាប់ក្រុមហង្ស​ក្រ​ហម Liverpool និងក្រុមមេឃខៀវ Manchester City ​ ដែលសុទ្ធសឹងជាក្រុមមកពីអង់គ្លេស ត្រូវប៉ះគ្នានៅវគ្គ ៨ក្រុមចុងក្រោយ Champion League ។ ជាការពិតណាស់ Man City និង Liverpool គឺជាក្រុមអង់គ្លេសទាំង២ ដែលបានឡើងទៅកាន់វគ្គ ៨ក្រុមខណៈក្រុម៣ផ្សេងទៀត បានជ្រុះចេញពី Champion League ហើយ កាលពីវគ្គ ១៦ក្រុមកន្លងមក។

យ៉ាងណាវិញ ក្រុមទាំង២ នេះ បានជួបគ្នា ២លើកកន្លងមក នៅ Premier League រដូវកាលនេះ ឃើញថា កាលពីនៅជើងទី១ ទឹកដីរបស់ក្រុម Man City ក្រុមមួយនេះ បានយកឈ្នះ​ក្នុងលទ្ធផល ៥-០ ក៍ប៉ុន្តែ កាលវិលទៅកាន់ទឹកដី Liverpool វិញ ហង្សក្រហមបានយកឈ្នះ ៤-៣ វិញ។ ថ្វីដ្បិតយ៉ាងនេះក្តី Liverpool មិនមែនជាក្រុមធម្មតាមួយ​ឡើយ ព្រោះថាក្រុមខ្លាំងៗ ជាច្រើនបានបរាជ័យក្រោមថ្វី​ជើងរបស់ក្លិបអង់គ្លេសមួយនេះ ជាពិសេស Man City បានស្គាល់បាជ័យលើកដំបូងនៅ Premier League ដោយសារ​ Liverpool នេះឯង។

គួរបញ្ជាក់ផងដែរថា ជើងទី១ Liverpool ទទួល Man City នៅ Anfield ថ្ងៃទី ៤មេសា ខណៈជើងទី២ ផ្លាស់ទៅកាន់ទឹកដី Manchester City វិញ នៅថ្ងៃទី ១២មេសា។

តោះ! មកស្គាលក្រុមជើងខ្លាំងទាំង៨ ដែលត្រូវជួបគ្នានៅ​វគ្គ៨ក្រុមចុងក្រោយ Champion League៖
Barcelona vs Roma
Juventus vs Real Madrid
Sevilla vs Bayern Munich
Liverpool vs Manchester City