Post News Media ព័ត៌មានកីឡា បើបែបនេះមែន ព...

បើបែបនេះមែន ពិតជាសោកស្តាយខ្លាំងណាស់ សម្រាប់​កីឡាករឆ្នើម ២រូបនេះ

មកទល់ពេលនេះ ក្រុមជម្រើសជាតិអាហ្សង់ទីន នៅមិនទាន់កោះហៅ កីឡាករឆ្នើម២រូបឲ្យមកជួយក្រុម​ជម្រើសជាតិ ក្នុងការប្រកួតមិត្តភាព ២ប្រកួតកន្លងមក​នេះ​ឡើយ ដែលនេះជាសញ្ញាញអវិជ្ជមានមួយ សម្រាប់កីឡាករ​ទាំង២រូបនេះ ដែលអាចមិនមានវត្តមាន​ក្នុងព្រឹត្តិការណ៍ World Cup ក្នុងពេលដ៍ខ្លីខាងមុខនេះ។

បើតាមការចុះផ្សាយរបស់ កាសែត AS បានឲ្យដឹងថា ក្រុមជម្រើសជាតិ អាហ្សង់ទីន នៅមិនទាន់កោះហៅ ខ្សែប្រយុទ្ធដ៍ឆ្នើម Mauro Icardi របស់ក្រុម Inter Milan និងខ្សែប្រយុទ្ធ Paulo Dybala របស់ក្រុមសេះ​បង្កង់ Juventus មកកាន់ក្រុមជម្រើសជាតិ​នៅឡើយទេ។ កីឡាករទាំង២រូបនេះ ថ្វីបើបង្ហាញទម្រង់​លេងយ៉ាងល្អ ឲ្យក្លិបបាល់ទាត់អាជីព​ក៍ដោយ តែពួកគេទាំង២ ហាក់លេងមិនល្អឡើយ សម្រាប់ក្រុម​ជម្រើសជាតិអាហ្សង់ទីន ខណ: Icardi ធ្លាប់បង្ហាញខ្លួន បាន ៤ ប្រកួតនៅមិនទាន់ស៊ុតបាន ១ គ្រាប់ ស្របពេលដែល Dybala វិញ បង្ហាញខ្លួនបាន ៦ លើកឲ្យ អាហ្សង់ទីន តែមិនទាន់ស៊ុតបាន១គ្រាប់ដូចគ្នា។ ថ្វីបើយ៉ាងនេះក្តី ក៍ក្រុម​ជម្រើសជាតិអាហ្សង់ទីន​ មិនគួរមើលរំលង កីឡាករទាំ២នេដែរ បើទោះបីជាពេលកន្លងមក បង្ហាញខ្លួន​មិនល្អមែន តែបើផ្តល់ឱកាសបន្តទៀត ច្បាស់ណាស់ កីឡាករទាំង នឹងធ្វើបានប្រសើរជាងមុន។

យ៉ាងណាវិញ អាហ្សង់ទីន ហាក់មិនសូវចាប់អារម្មណ៍ ចំពោះកីឡាករទាំង២រូបនេះឡើយ ដោយសារតែអាហ្សង់ទីន សម្បូរកីឡាករឆ្នើមៗច្រើន ម្យ៉ាង អាហ្សង់ទីន ផ្តោតសំខាន់ទៅលើ កំពូលខ្សែប្រយុទ្ធលំដាប់​ពិភពលោក Lionel Messi មិនមែន Mauro Icardi និង Paulo Dybala ឡើយ។